Juswa 6:2 - Udél Dwata: Gna Kesfasad ne Lomi Kesfasad

² Okóm yó udél Dwata ebè Juswa, monen, “Deng blayu elem hólólem yóm syudad Jiriku ne yóm tau hol geta bè yó ne yó kem sendalù alì lóbô le.

Juswa 6:2 Referans Kwoze

Dwata 7:24

Balù yó kem tau hol geta bélê le, bud gotu hnatay ye lu ne laen dù bud hemtulón kul nawa. Laen kô dù tau gembek hemseng kuy, gotu himot hnatay ye lu yóm kdê le.

Juswa 8:1

Yó bud mon Dwata mò ke Juswa, “Gotu nwitem yóm kdê sendaluem na ye e nundug yóm syudad Ay. Béi abay hlikò ne béi abay htakas. Hegmou uu bè yóm tau geta bè yóm syudad yó ne suu lem hólólem yó kem tauhen ne yóm syudaden ne yóm tonoken.

Juswa 2:24

ne yó udél le, mon le, “Deng hol tahu blay Dwata tekuy yóm benwu Kanan. Tódô kdê yó kem tau bè yó, tey sidek klikò le bélê tekuy.”

Juswa 2:9

ne monen mò kul, “Tngónu deng blay Dwata kuy yóm sana kuy Dwata hol gónó mogot, nim tonok ni. Tódô kdê ni kem tau bè nim benwu ni, gotu le likò kuy.

Nihimaya 9:24

Deng gwa le yóm tonok bè Kanan, laen kô dù gmò le béléem yó kem tau menwu bè yó. Tódô blayem lu elem hólól yó kem tauhem, anì tódô nmò le yóm kul knóyô bè yó kem tau bè Kanan ne bè yó kem tau hol geta bélê le.

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

2 Samwél 5:19

Duhen yó, snólók Dabid Dwata, “Mite sfatay bè yó kem Flistin kô? Hegmoem ou bélê le kô?” Yó balà Dwata du, monen, “El, miti sfatay bélê le, hegmou uu bélê le.”

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Juswa 6:1

Yó kem bak tikeb bè Jiriku, tendo tnikeb le ne bnentey le anì là gógów le elemen yó kem tau Israél. Balù sotu tau ke wen tô gusek ne balù sotu ke wen se hewà gu lem yóm syudad yó.

Juswa 6:3

Yó nmoem nwitem yóm kdê sendaluem, lenibut ye yóm syudad Jiriku. Nem dulék ye lemibut du bede ket sulék sendaw.