Juswa 6:1 - Udél Dwata: Gna Kesfasad ne Lomi Kesfasad

¹ Yó kem bak tikeb bè Jiriku, tendo tnikeb le ne bnentey le anì là gógów le elemen yó kem tau Israél. Balù sotu tau ke wen tô gusek ne balù sotu ke wen se hewà gu lem yóm syudad yó.

Juswa 6:1 Referans Kwoze

Juswa 2:24

ne yó udél le, mon le, “Deng hol tahu blay Dwata tekuy yóm benwu Kanan. Tódô kdê yó kem tau bè yó, tey sidek klikò le bélê tekuy.”

Kem Lingón 127:1

Ke là lemwóten bè Dwata yóm hdà gónô, olon gamà liteg le yó kem tau hdà du. Ke là bnentey Dwata du yóm benwu, olon gamà liteg le yó kem tau mentey du.

Juswa 2:7

Kewót le bè yó yó kem tau dók yóm tau hol geta, hewà le bè yóm syudad yó anì na le e hnebel yó kem tau Israél. Uni le hewà bè yóm syudad le sen-geng le se tmikeb du yóm bak tikeb yó kem tau mentey bè yó. Ngang le mebel kul yó kem tau hemkana yó kem tau yó koni efet le kól bè lan mifal Él Jurdan.

2 Bok Kem Tau Hol Geta 17:4

Okóm kogolen bè yó, deng mom wen tau hógów Husiya ebè So yóm tau hol geta bè Idyip, nan e htóbóng béléen anì là buden mayad bè Salmanésér, lómón yóm deng gel nmò le béléen ket halay. Tikóng gungol yóm tau hol geta bè Asirya yóm nmò Husiya yó, hekfóen ne heblangguen.

Juswa 5:15

Ne yó monen mò du yóm kmandér yó koni, “Kóhem tlumfaem, abay se dengi mdà bè yóm tonok gónóhu nô.” Tahu se, nmò Juswa yóm monen mò du.

Juswa 6:2

Okóm yó udél Dwata ebè Juswa, monen, “Deng blayu elem hólólem yóm syudad Jiriku ne yóm tau hol geta bè yó ne yó kem sendalù alì lóbô le.

Juswa 2:1

Omin Juswa lifut mdók lewu tau lemwót bè yó bè kamfù le bè Akasya mò na a hemkana yóm benwu Kanan, hol néen yóm syudad Jiriku. Timbow le kól bè yóm syudad yó, yóm lewu kem tau hemkana yó koni, tódô le hlós ebè gónô yóm sotu libun hdóyón boluyen Rahab ne bè yó gónó le tungô.

2 Bok Kem Tau Hol Geta 2:4

Omin Ilaydya bud mon du mò ke Ilaysa, “Tebeli bè ni ne kóm, abay se bud hógów Dwata o etu bè Jiriku.” Okóm yó balà Ilaysa du, monen, “Safau bè yóm Dwata là matayen ne safau bè yóm kóm klowil, là kô naw e tnagak kóm.” Tahu se, bud le hlós slomong ebè Jiriku.