Juswa 5:1 - Udél Dwata: Gna Kesfasad ne Lomi Kesfasad

¹ Tódô kdê yó kem tau hol geta bè kem Amurayt nô fi desdef Él Jurdan ne kdê yó kem tau hol geta bè Kanan nô bè kilil Mohin Miditiranyan, gotu mungol du yóm deng kehekti Dwata du bè yó kem tau Israél yóm Él Jurdan efet le gotu mifal yóm kdê le. Bè yóm kungol le du ya tey sidek klikò le, botong lana bélê le klóbô le.

Juswa 5:1 Referans Kwoze

Lista 13:29

Bè fi leged bè yóm benwu yó, wen yó kem tau Amalikayt nô du. Bè yó kem bululen, yó menwu du yó kem tau Hitayt ne yó kem tau Jibusayt ne yó kem tau Amurayt. Lemwót kul yó kem tau Kanan, nô le bè kilil mohin Miditiranyan ne hilol él Jurdan.”

1 Bok Kem Tau Hol Geta 10:5

Ya tey sidek ketngahen. Ne bud tenngahen yó kem tey dê ken kay le eta yó kem lemisa Selumun. Bud tngahen snéen yóm ktonen yóm ktilob kekdol yó kem genlalen ne yóm ktilob knes le, dalang se yóm kul knes yó kem tau gel mkay bélê le ninum. Bud sidek ketngahen du snéen bè yóm tey dsù gel hkekeb Selumun bè Gónô Dwata.

Deng Hegfan 18:10

Gotu le mdà hlayuk, knikò le, kô gomong le bè yóm tey glumfaken, mon le, “Weyò, weyò. Kamaen yóm tey syudad Babilun yóó, yóm tey któtólen. Tek sotu urasen deng sana megtafak.”

Amus 2:9

Lómón yó se yóm là kimón le do yó kem dou tau, igoen ou yóm tehe tmóbóng kul. Gu laan le là deng kól bè yóm benwu blayu kul yó kem dou tau, ou se tehe gemlà kul yó kem tau Amurayt nô bè yó, kem tau alì tahà lómó ktahà le koyu sidar ne lómón ke lu yóm koyu alì mtétél bè kdéen. Okóm sulék genlau lu.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Kem Lingón 135:11

Hnatayen Sihon yóm tau hol geta bè yó kem tau Amurayt, ne Og yóm tau hol geta bè yó kem tau bè Basan, kkólen bè yó kem tau hol geta bè Kanan, gotu hnatayen lu.

1 Samwél 25:37

Tikóng hlafus bè yó, bè yóm deng kehetngón Nabal, gotu tulón Abigil du yóm kdéen. Tódô mugod Nabal, là bud gekdolen du lówóhen.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Kehewà 23:28

Yó kmou kul yó kem hohon ye yó, lómón ke wen tey yê nuhag hógówu tukô gna kuy mò mékét kul ne mò mlo kul yó kem tau Hibayt ne yó kem tau Kananayt ne yó kem tau Hitayt.

Tekang Kbuten 48:22

Hfunu kóm yóm tonok Sékém, là blayu du bè yó kem twoguhem. Yó se yóm tonok alì hyu tehe nwahu bè yó kem tau Amurayt mlan bè sudeng ne hanak.”

Tekang Kbuten 12:6

tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.

Juswa 3:17

Lemwót yó kem tau fen mit yóm Slungan Fasad yóm Slungan yóm sana Dwata hol gónó mogot, fen le mdà hol bè gónón sóól Él Jurdan bè yóm gónón mékéng tonok. Ngang le mdà bè yó efet le deng gotu mius yóm kdéen tau Israél mlan le bè gónón mékéng tonok.