Juswa 4:9 - Udél Dwata: Gna Kesfasad ne Lomi Kesfasad

⁹ Dalang se ke Juswa, wen sfolò lewu botu sensodoen bè hol gónón sóól lel yóm Él Jurdan bè yóm gónó le mdà yó kem tau fen mit yóm Slungan Fasad. Ni kmoen ni sana tolo knô le bè yó he yó kem botu yó.

Juswa 4:9 Referans Kwoze

1 Samwél 7:12

Omin Samwél ma yóm sotu botu bong ne suen bè blóng le benwu Mispa yóm benwu Jisana ne yó boluyen du, Ibinisér. Yó lanen, “botu tóbóng.” Yó mon Samwél, “Efet ni kmoen ni yóm któbóng Dwata kum.”

2 Tutul Israél 5:9

Tey tahà yó kem koyu yó, botong gfan yó kem tukô le ke wen tau mdà bè bak dól bè yóm tanay dfél lem Gónô Dwata, yóm bnoluy le Dfél hetfing ebè Dwata. Okóm ke mdà le bè lewaen, là kô ton le du. (Yóm tihang yó, tolo nô bè yó efet yóm kmoen ni.)

1 Samwél 30:25

Lenwóten bè yóm kdaw yó, yó se udin hlolò Dabid yóm kdê tau Israél ne efet nim kmoen ni sana klolò le du.

Juswa 24:26

Gotu snulat Juswa ni kem hlauhen kul ni bè yóm bok gónóhen nô yó kem Hlau Dwata. Ominen hwa sotu botu bong ne hluyen laan yóm koyu boluyen ok moni bè yóm Gónô Dwata.

Dwata 34:6

Bè yó gónó Dwata lembeng du bè yóm sotu datal bè Muab sfatà yóm benwu Bitfur. Okóm efet ni kmoen ni, laen dù temngón du yóm seblà gónón lebeng yó.

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Tekang Kbuten 28:18

Timbow hol hlafus bè yó, tódô kendel btik Jakub ne ominen ma yóm botu tehe tdananen ne hdaen eta mò hlós ilóen du bè yóm benwu yó gónón hegfan béléen Dwata. Ominen temwél du hnolo ulib mò ilô yóm kehetfingen du ebè Dwata.

Tekang Kbuten 26:33

Yó boluy Isak du yóm kokol yó, “Safà.” Yó se gónón lemwót yóm boluy yóm syudad Birsiba.

Matyu 28:15

Tahu se, nwa yó kem sendalù yóm filak, tódô lolò le se yóm deng hlau le kul. Yó se hlós tulón tendo hból yó kem Ju efet nim kmoen ni.

Matyu 27:8

Okóm yó tles boluy le du, Tonok Bli Litô, efet yóm kmoen ni.

1 Bok Kem Tau Hol Geta 18:31

Wen sfolò lewu botu nwahen, hningónen yó kem sfolò lewu ngà Jakub logi yóm tau tehe gónó Dwata e mudél, monen mò du, “Israél bud boluyem.”

Juswa 4:10

Ngang le mdà bè gónón sóól lel Él Jurdan yó kem tau fen mit yóm Slungan Fasad efet deng gotu deng yóm hmò Dwata ke Juswa, yóm deng eles tulón Musis du.