Juswa 4:7 - Udél Dwata: Gna Kesfasad ne Lomi Kesfasad

⁷ tulón ye kul, mon ye, ‘Yóm tehe ktihang le du mifal Él Jurdan yóm Slungan Fasad, botong tódô teflok lel yóm él. Ni kem botu ni mò tendo heftulón du bè nawa yó kem tau Israél yóm tehe nmò Dwata bè ni.’ ”

Juswa 4:7 Referans Kwoze

Kehewà 12:14

Yó udél Dwata, monen, “Hol gel hnigal ye ke sok bud kól nim Kdaw Khius ni mò gónó ye hemtulón du nawa yóm deng nmou bélê ye. Bê ye abay nmò sónen yóm tendo gel kulit kmò ye du ket halay.

Kem Lingón 111:4

Là kô klifót kem tau du yó kem hentaw ton nmò Dwata. Tey hyu yóm Dwata tekuy, lelen tey kmodu tau.

Lista 16:40

Nim lafin lenubaken ni mò eles gónó le temgama yó kem tau Israél anì laen dù tau mógów bè solu Dwata mò mtem insinsu ke là tauhen semfu gu bè Aron. Ke wen tólóng tau tô mò du angat mkél kul le Kura ne yó kem lemolò du, gotu le meglà matay. Tahu se, gotu nmò Ilisar yóm kdê deng hlolò Dwata du hlanen bè Musis.

1 Kurin 11:24

ne nan na mni bè Dwata, ominen kembéng du, ne monen mò kul, “Nim mambang ni, ni se yóm dou lówó angat gamà bélê ye. Hol bud gel nulit ye nim deng nmò tekuy ni mò gónó ye gel hemtulón dou nawa.”

Juswa 4:6

Nim botu ni mò heftulón du bè nawa yó kem tau Israél yóm deng nmò Dwata. Elem hulin kdaw ke snólók le yu yó kem ngà ye ke tedu lanen bélê ye nim botu ni

Lista 17:5

Yóm tuged yóm tau deng dou nélék angat tódô dmoun bè yó. Bè nim nmou ni mò gónóhu temflok du yóm tendo kudél le eta ye yó kem tau Israél.”