Juswa 4:6 - Udél Dwata: Gna Kesfasad ne Lomi Kesfasad

⁶ Nim botu ni mò heftulón du bè nawa yó kem tau Israél yóm deng nmò Dwata. Elem hulin kdaw ke snólók le yu yó kem ngà ye ke tedu lanen bélê ye nim botu ni

Juswa 4:6 Referans Kwoze

Juswa 4:21

Yó udél Juswa ebè yó kem tau Israél, monen, “Elem hulin kdaw ke angat snólók le yu yó kem ngà ye ke tedu lanen ni kem botu ni,

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Isaya 55:13

Bè yóm tehe gónón tmowok yó kem koyu lemnek semnual laen dù muhen, angat tles tmowok bè yó yóm siprus ne mirtal, hono kem koyu wen muhen. Ni se mò ilô yóm kfasangu ne laen kô dù sónen yóm ilô yó. Bud ni se mò gónó ye hemtulón nawa du yóm deng nmou. Ou se yóm Dwata hol gónó mogot.” Là gomongen bè nili yóm tsaptér 56. Yó monen bè bérs 1-2, “Hol hentedeng ye kmò ye ne béen abay wen mtukul knihu ye,” mon Dwata. “Hol nmò ye yóm tedeng ne yóm hyu, yakà móyóne kól mò lemwà kuy. Tey kehyuhen bélê le kul yó kem tau nô bè nawa le yóm kmò le du nim ni. Tey kehyuhen bélê le kul yó kem tau gel madat du yó kem Kdaw Kehegnô ne yóm là kmò le nmò bè yó kem kdaw yó. Ne tey kehyuhen bélê le kul yó kem tau là gel le mò sidek.” Ni kem kehyuhen ni, là són bè kem tau Israél du gónón e gdek, okóm gomong snéen yó kem tau gel mimón yó kem kun hlau Dwata. Yó mon Dwata bè bérs 8, “Yóm Dwata hol dandónen geta, yóm mit semfulék yó kem tau deng kenbê kem dumu tau, gomong nwitu snéen yó kem dumu tau, là són yó kem dou tau du.”

Kem Lingón 71:18

Balù nim deng ktuhahu, ne denge nubón, hol béem bayà ou, Dwata, efet deng gotu bud tulónu bè yó kem lugod todol sut yóm tey genbekem, ne yóm tey hentaw ton gel nmoem bè yó kem tau sut huli dou.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Lista 16:38

Yó gónó le deng mólós, abay se deng nit le lu ebè soluhu. Yó gónóm mon, gotu hwahem lu ke Ilisar bè yó kem tau deng matay lemwót bè salà le. Lenubaken lu efet kufil mò lafin yóm gónó le demsù ebéléu. Yóm lafin yó mò hentulón nawa yó kem tau Israél anì hol le eles temgama.”

Kehewà 31:13

tulónem yó kem tau Israél, monen, “Hol hetfing ye yóm Kdaw Kehegnô, yó se yóm dou kdaw yakà yó du yóm mò ilô yóm klaen dù sónen yóm kesfasad tekuy mò gónó ye hemtulón du nawa, ou se yóm hol gónó mogot yóm gel hólós kuy.

Kehewà 12:14

Yó udél Dwata, monen, “Hol gel hnigal ye ke sok bud kól nim Kdaw Khius ni mò gónó ye hemtulón du nawa yóm deng nmou bélê ye. Bê ye abay nmò sónen yóm tendo gel kulit kmò ye du ket halay.

Juswa 4:5

ne monen mò kul, “Mógów ye ebè gónón sóól lel yóm Él Jurdan bè solu yóm Slungan Fasad yóm Slungan yóm sana Dwata hol gónó mogot. Ket sotu bélê ye tmihang sotu botu ete kembu, ket sotu botu bè ket ból yóm sfolò lewu kem ngà Jakub.