Juswa 4:3 - Udél Dwata: Gna Kesfasad ne Lomi Kesfasad

³ hwahem lu sfolò lewu botu bè hol gónón sóól lel Él Jurdan bè yóm gónó le mdà yó kem tau fen mit yóm Slungan Fasad. Nwit le nim botu ni ete kembu ne sensodò le bè yóm bud gónó ye kmamfù kifu ni kedeng.”

Juswa 4:3 Referans Kwoze

Juswa 4:8

Tahu se, lemwót yóm sfolò lewu kem tau tódô lolò le yóm deng mon Juswa mò kul. Wen sfolò lewu botu nwa le bè hol gónón sóól lel Él Jurdan, ket sotu botu bè ket ból yóm sfolò lewu kem ngà Jakub ne nwit le ebè yóm gónó le bud kmamfù ne bè yó gónó le semsodò du lómón yóm deng mon Dwata mò ke Juswa.

Juswa 3:13

Lemwót yó kem tau gel blóng ebè Dwata fen mit yóm Slungan Fasad yóm Slungan yóm sana Dwata hol gónó mogot mfun yóm klamangen, ke dà le lem él ti le tódô teflok lel yóm él yó ne tódô segbusung ditu fi leged.”

Kun Snulat Luk 19:40

Ne mudél ebélê le Jisas, monen, “Tódô tulónu kuy, ke tódô le neb ni kem tau mung dou ni, ngem kà tódô le fen mensag ni kem botu bè lan nii.”

Kem Lingón 103:2

Tey kdóyónu ke Dwata. Là kô naw e klifót du yóm tey kehyu nmoen.

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

1 Samwél 7:12

Omin Samwél ma yóm sotu botu bong ne suen bè blóng le benwu Mispa yóm benwu Jisana ne yó boluyen du, Ibinisér. Yó lanen, “botu tóbóng.” Yó mon Samwél, “Efet ni kmoen ni yóm któbóng Dwata kum.”

Juswa 24:27

Yó udélen ebè yóm kdéen tau, monen, “Deng gotu gungol nim botu ni yóm kdê udél Dwata ebélê tekuy kemdaw ni, yóm sana Dwata hol gónó tekuy mogot. Ni se fen temksì du ke nulé ye yóm deng mon ye yó.”

Tekang Kbuten 28:22

Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”

Juswa 4:4

Tahu se, omin Juswa tmaba yóm sfolò lewu kem tau deng néléken