Juswa 3:8 - Udél Dwata: Gna Kesfasad ne Lomi Kesfasad

⁸ Hol tulónem yó kem tau fen mit yóm Slungan Fasad, ke sok le kól bè Él Jurdan tódô le hlós elemen, okóm na le htengen mdà moni bè kililen.”

Juswa 3:8 Referans Kwoze

Juswa 3:17

Lemwót yó kem tau fen mit yóm Slungan Fasad yóm Slungan yóm sana Dwata hol gónó mogot, fen le mdà hol bè gónón sóól Él Jurdan bè yóm gónón mékéng tonok. Ngang le mdà bè yó efet le deng gotu mius yóm kdéen tau Israél mlan le bè gónón mékéng tonok.

Juswa 3:3

ne yó tulón le yó kem tau, mon le, “Ke sok ton ye yó kem tau gel blóng ebè Dwata sentihang le yóm Slungan Fasad, yóm Slungan yóm sana kuy Dwata hol gónó mogot, gotu lenkas ye yóm kamfù ye ne lolò ye lu.

Lanu Jirimaya 3:26

Yó gónóm mon, tey hyu ke tódô tekuy henek, nangat tekuy yóm kegewà lemwót béléen.

2 Tutul Israél 30:12

Bè yóm kdaw yó, wen nmò Dwata bè yó kem tau bè Juda, benlayen lu kessotu nawa mimón du yóm udél yóm tau hol geta ne yó kem genlalen kem tau deng lemolò yó kem hlolò Dwata.

2 Tutul Israél 29:30

Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.

2 Tutul Israél 29:27

Omin Hisikaya hedsù yóm dsù hkekeb ta yóm gónó gel demsù ebè Dwata. Yóm igò le mbut demsù du yóm dsù hkekeb yó, nbut le se semngal du yóm sngal dmóyón ke Dwata, mung se yó kem tau mféw, ne yó kem dumu nuni tehe hmò Dabid yóm tau hol geta bè Israél.

2 Tutul Israél 29:15

Lemwót se kul yó kem tau yó, gotu htaba le yó kem dumu le sfu Libay, ne gotu hfólós le knô le yóm kdê le. Omin le bud hólós yóm Gónô Dwata, lómón yóm deng monen mò kul yóm tau hol geta bélê le. Tey ketgama le lemolò du yó kem hlolò Dwata kul bè yóm kmò le nmò.

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Juswa 3:7

Yó udél Dwata ebè Juswa, monen, “Yóm nmou bélê ye kemdaw ni, mò gónó le madat kóm yó kem tau Israél mò tau malak kul. Ne bè yó gónó le dmilô du yóm knóu béléem lómón yóm tehe knóu bè Musis.

Juswa 3:9

Omin Juswa bud mudél ebè yó kem tau Israél, monen, “Mógów ye edini kun, hnungol ye yóm udélen ebélê ye yóm sana kuy Dwata hol gónó mogot.

2 Bok Kem Tau Hol Geta 2:6

Omin Ilaydya bud mon du mò ke Ilaysa, “Tebeli bè ni ne, abay se bud hógów Dwata o etu bè Él Jurdan.” Okóm yó bud balà Ilaysa du, monen, “Safau bè yóm Dwata là matayen, ne safau bè yóm kóm klowil se kóm, là kô naw e tnagak kóm.” Tahu se, bud le hlós slomong yóm lewu le.

Juswa 4:11

Yó kem tau Israél, ya tey keheslò le mifal du yóm Él Jurdan. Timbow le deng gotu kól fi fatu, yó he kul khotun ete kembu yó kem tau fen gel mit yóm Slungan Fasad.