Juswa 3:6 - Udél Dwata: Gna Kesfasad ne Lomi Kesfasad

⁶ Tikóng hayahen bè yó, yó udél Juswa ebè yó kem tau gel blóng ebè Dwata, monen mò kul, “Sentihang ye yóm Slungan Fasad tukô gna yó kem tau mò malak kul mifal Él Jurdan.” Tahu se, nmò le yóm monen yó.

Juswa 3:6 Referans Kwoze

Mika 2:13

Angat hennas Dwata yóm lanen mit kul hewà gu bè yó kem benwu gónó le tehe e megef kul. Angat nwiten lu hewà gu bè yóm bak tikeb yóm syudad yó anì mulék le ebè yóm hol kul benwu. Yóm geta bélê le, duhen yóm sana Dwata hol gónó mogot, du se yóm tukô gna kul.

Juswa 3:3

ne yó tulón le yó kem tau, mon le, “Ke sok ton ye yó kem tau gel blóng ebè Dwata sentihang le yóm Slungan Fasad, yóm Slungan yóm sana kuy Dwata hol gónó mogot, gotu lenkas ye yóm kamfù ye ne lolò ye lu.

Lista 14:15

Ne ni, Dwata, ke gotu hnatayem yó kem tauhem, yó angat sentulón yó kem dê dumu but tau deng mungol yóm któtólem, mon le,

Lista 10:33

Timbow tebel yó kem tau Israél yóm bulul Sinay yóm bulul Dwata, tlu kdaw le bud mógów omin le bud kmamfù. Bè yóm kógów le, sal gel tukô gna kul yó kem tau gel mit yóm Slungan Fasad gónón nô yóm deng fasad Dwata kul mò hetngón du kul yóm gónó le bud kmamfù.

Hibru 6:20

Deng du se hol tukô gna tekuy, ne du se yóm hol blóng tekuy ebè Dwata, ne laen kô tul sónen yóm keseblóngen tekuy yó, hol lómón yóm tehe keseblóng Mélkésédék yó kem tau gnan ebè Dwata ekni.

Juswa 3:5

Yó udél Juswa ebè yó kem tau Israél, monen, “Hol hólós ye knô ye bè solu Dwata abay se haya wen hentaw ton nmò Dwata lem blóng tekuy.”

Juswa 3:7

Yó udél Dwata ebè Juswa, monen, “Yóm nmou bélê ye kemdaw ni, mò gónó le madat kóm yó kem tau Israél mò tau malak kul. Ne bè yó gónó le dmilô du yóm knóu béléem lómón yóm tehe knóu bè Musis.

1 Bok Kem Tau Hol Geta 8:3

Timbow le deng gotu stifun yóm kdéen tmuha gel malak, lemwót yó kem tau gel blóng ebè Dwata nkay le yóm Slungan Dwata anì nwit le.

2 Tutul Israél 5:4

Timbow le gotu stifun, lemwót yó kem sfu Libay, nwa le yóm Slungan Dwata

Juswa 6:6

Tahu se, htaba Juswa yó kem tau gel blóng ebè Dwata ne monen mò kul, “Nwit ye yóm Slungan Fasad bè yóm klibut tekuy du nim syudad ni. Hitu bélê ye mógów tukô gna du sket mit féw.”