Juswa 3:5 - Udél Dwata: Gna Kesfasad ne Lomi Kesfasad

⁵ Yó udél Juswa ebè yó kem tau Israél, monen, “Hol hólós ye knô ye bè solu Dwata abay se haya wen hentaw ton nmò Dwata lem blóng tekuy.”

Juswa 3:5 Referans Kwoze

Juswa 7:13

Yó ne Juswa, hfólós ye lu yó kem tau anì mógów le ebéléu haya. Tulónem kul eles le htifes abay se ou se yóm kul Dwata hol gónó mogot yó kem tau Israél ne wen monu mò kul. Yó monu, ‘Ó kem tau Israél, deng wen kem kimu nwa ye bè yó kem kimu hetfingu kuy mò dou. Ke là na ye kó du ni kem kimu deng hennagaw ye ni, là kô ye na a gemmò bè yó kem hohon ye.’

Juwél 2:16

Sentifun ye lu yóm kdéen tau. Eles tulón ye kul anì eles le hólós. Nwit ye yó kem tuha tau ne yó kem ngà kkólen bè yó kem hanà tolo tmutù. Balù yó kem tau lomi syehen na le tebel yóm gónó le nô anì mung le se kul.

1 Samwél 16:5

Bnalà Samwél se lu, monen, “Laen dù sidek du. Yó nógówu naw e demsù ebè Dwata, hfólós ye knô ye anì mung ye do demsù.” Omin Samwél stulón ke Jisi anì hfólósen knóen dalang se yó kem ngaen anì mung le du bè yóm kedsuen.

Kun Snulat Jan 17:19

Hogotu kóm yóm do klowil mò lanu tmóbóng kul, anì hogot le kóm se yóm kul klowil.

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Job 1:5

Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

Juswa 3:13

Lemwót yó kem tau gel blóng ebè Dwata fen mit yóm Slungan Fasad yóm Slungan yóm sana Dwata hol gónó mogot mfun yóm klamangen, ke dà le lem él ti le tódô teflok lel yóm él yó ne tódô segbusung ditu fi leged.”

Lista 11:8

Tódô hgasà gu hmilol yóm kamfù le ke kifu mung bè amù. Ke sok hlafus, gotu le hewà yó kem tau na le e mulut. Yó kmò le du, wen se gnaling le ne wen se ndek le efet baling arina, omin le hkodok du ne nmò le mambang lufi. Lómó kmò nómen yóm mambang wen hnolo uliben.

Juswa 3:4

Là deng ye mlan bè ni se kuy, yó gónó le tukô gna kuy anì lolò ye lu. Okóm hol bê ye abay hloni e du yóm Slungan Fasad yó, wen dô sotu kilumitru klayuk ye edu.”

Juswa 3:6

Tikóng hayahen bè yó, yó udél Juswa ebè yó kem tau gel blóng ebè Dwata, monen mò kul, “Sentihang ye yóm Slungan Fasad tukô gna yó kem tau mò malak kul mifal Él Jurdan.” Tahu se, nmò le yóm monen yó.

Kem Lingón 77:15

Deng tehe nsokem yó kem kóm tau lemwót bè yóm tey kekgisem, lu se yó kem tau sfu tehe Jakub ne sfu tehe Jusif.