Juswa 3:3 - Udél Dwata: Gna Kesfasad ne Lomi Kesfasad

³ ne yó tulón le yó kem tau, mon le, “Ke sok ton ye yó kem tau gel blóng ebè Dwata sentihang le yóm Slungan Fasad, yóm Slungan yóm sana kuy Dwata hol gónó mogot, gotu lenkas ye yóm kamfù ye ne lolò ye lu.

Juswa 3:3 Referans Kwoze

Dwata 31:9

Duhen yó, gotu snulat Musis yóm kdê hlau Dwata ne blayen bè yó kem sfu Libay gel blóng le ebè Dwata yóm fen gel mit yóm Slungan Fasad ne bè yó kem tuha gel malak yó kem tau Israél.

2 Samwél 6:13

Tikóng deng nem dulék le lemafang yó kem tau mit yóm Slungan Dwata, na le htengen mdà, nahen na hedsù safì tudu ebè Dwata Dabid, ne sotu ngà safì mabù.

Juswa 3:8

Hol tulónem yó kem tau fen mit yóm Slungan Fasad, ke sok le kól bè Él Jurdan tódô le hlós elemen, okóm na le htengen mdà moni bè kililen.”

Dwata 31:25

Timbow deng ksulaten du, yó udélen ebè yó kem tau sfu Libay gel blóng ebè Dwata, yó kem tau mò fen gel mit yóm Slungan Fasad, monen,

Lista 10:33

Timbow tebel yó kem tau Israél yóm bulul Sinay yóm bulul Dwata, tlu kdaw le bud mógów omin le bud kmamfù. Bè yóm kógów le, sal gel tukô gna kul yó kem tau gel mit yóm Slungan Fasad gónón nô yóm deng fasad Dwata kul mò hetngón du kul yóm gónó le bud kmamfù.

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Matyu 8:19

Okóm wen sotu bè yó kem tau gel tmolok hlau sut béléen, monen mò ke Jisas, “Ó Sér, lolou uu balù kihu gónóm e mógów.”

2 Samwél 6:3

Yóm Slungan Dwata yó, nwa le bè gónô Abinadab ta yóm ngà bulul, omin le lemulón du ta yóm klitun hanà lomi. Yó fen mit du yóm klitun yó, duhen yóm lewu kem ngà Abinadab logi, boluy le Usa ne Ahiyu.

Juswa 6:6

Tahu se, htaba Juswa yó kem tau gel blóng ebè Dwata ne monen mò kul, “Nwit ye yóm Slungan Fasad bè yóm klibut tekuy du nim syudad ni. Hitu bélê ye mógów tukô gna du sket mit féw.”

Juswa 4:10

Ngang le mdà bè gónón sóól lel Él Jurdan yó kem tau fen mit yóm Slungan Fasad efet deng gotu deng yóm hmò Dwata ke Juswa, yóm deng eles tulón Musis du.

Juswa 3:6

Tikóng hayahen bè yó, yó udél Juswa ebè yó kem tau gel blóng ebè Dwata, monen mò kul, “Sentihang ye yóm Slungan Fasad tukô gna yó kem tau mò malak kul mifal Él Jurdan.” Tahu se, nmò le yóm monen yó.

Juswa 3:4

Là deng ye mlan bè ni se kuy, yó gónó le tukô gna kuy anì lolò ye lu. Okóm hol bê ye abay hloni e du yóm Slungan Fasad yó, wen dô sotu kilumitru klayuk ye edu.”

1 Samwél 6:15

Okóm deng eles hekmó yó kem sfu Libay yóm Slungan Dwata ne yóm kahun nô klohoken gónón nô yóm lennged blówón deng nmò le ne hyón le ta yóm tey botu bong yó koni. Bè yóm kdaw yó, wen dsù hkekeb le ebè Dwata yó kem tau bè Bit-sémés ne wen se yó kem dumu gel dsù le.

1 Bok Kem Tau Hol Geta 8:3

Timbow le deng gotu stifun yóm kdéen tmuha gel malak, lemwót yó kem tau gel blóng ebè Dwata nkay le yóm Slungan Dwata anì nwit le.

Jirimaya 33:18

Ne tendo wen se sfu Libay mò blóng ebéléu fen demsù yóm dsù hkekeb le ebéléu ne yóm halay gel blay le dou ne yó kem dumu gel dsù le.”