Juswa 3:1 - Udél Dwata: Gna Kesfasad ne Lomi Kesfasad

¹ Timbow hlafus hayahen bè yó, tódô temkifu btik Juswa ne kdê yó kem tau Israél, tnagak le yóm kamfù le bè Akasya, mógów le etu bè Él Jurdan ne bè yó gónó le hlun bud kmamfù, nangat le yóm kdaw le mifal.

Juswa 3:1 Referans Kwoze

Juswa 2:1

Omin Juswa lifut mdók lewu tau lemwót bè yó bè kamfù le bè Akasya mò na a hemkana yóm benwu Kanan, hol néen yóm syudad Jiriku. Timbow le kól bè yóm syudad yó, yóm lewu kem tau hemkana yó koni, tódô le hlós ebè gónô yóm sotu libun hdóyón boluyen Rahab ne bè yó gónó le tungô.

Mark 1:35

Timbow deng hayahen bè yó, hanà tolo kifu sana btik Jisas nan e mebel gónón tinof mò gónón mni ebè Dwata, bede malù mayuk yóm gónón e solu.

Mika 6:5

Ó kem dou tau, hentulón ye nawa dé yóm tehe tô atul Balak bélê ye yóm tau hol geta bè Muab bè yóm tô kehmulaen kuy, ne yóm tehe kmò kbalà Balaam du yóm ngà Biyur logi bè yóm knihen bélê ye yóm tóbóng Dwata. Là klifót ye du kô yóm yó? Hentulón ye nawa yóm tehe gónóhu tmóbóng kuy lenwóten bè kamfù Akasya efet kól bè Gilgal, yóm tehe kdê nmou bélê ye mò gónó ye gewà.”

Jirimaya 26:5

ne ke là hnungol ye yóm udél yó kem tau tóbóng lówóhu, duhen yó kem tugodu yakà deng dê duléku du hetgama du kuy, okóm là kô dog hnungol ye kul,

Jirimaya 25:3

“Deng lewu folò tlu halayen ne efet nim kmoen ni yóm tendo ktulónu du kuy yóm udél Dwata ebélê ye. Tódô nbuten bè yóm gesfoloen tlu halay kogot Jusaya yóm benwu Juda yóm ngà Amun logi, yóm tendo ktulónu du kuy yóm udél Dwata efet nim kmoen ni, okóm là kô hnungol ye du.

Jirimaya 7:13

Igò ye mò du yó kem salà monu yó koni, sónmou se dou tendo semsulit mudél ebélê ye, okóm là kô ye dog móyô hmungol. Deng tnabahu yu anì wen eles hetgamahu kuy, okóm là kô na ye e bnalà dou.

Kem Lingón 119:60

Là kóe tlek hanggà, tódô kendel nimónu yó kem hlauhem.

Lista 25:1

Bè yóm kkamfù yó kem tau Israél bè Datal Akasya yó nmò le, deng mom wen bélê le mò samuk bè yó kem libun Muab nô bè yó.

Tekang Kbuten 22:3

Tahu se, hol hlafus bè yó, wen koyu nsô Abraham mò snuken yóm hedsù Dwata du. Ominen lemulón du ta yóm kudà asnu ne niten Isak. Ne wen lewu bè yó kem gel tóbóng lówóhen bud nwiten. Mógów le ebè yóm benwu deng tulón Dwata du.

Tekang Kbuten 21:14

Hlafus hayahen bè yó, hewót Abraham Hagar lewu le yóm ngaen. Wen ken hebnotuhen du ne hesléhen du yóm sning kulit ógóf hnok él. Ngang le mógów efet le tódô tabag tmimbul lem yóm benwu là hyu menwu du boluyen Birsiba.

Juswa 6:12

Timbow hol hlafus hayahen bè yó, tódô temkifu btik Juswa ne yó se yóm gewu le dulék lemibut yóm syudad yó yó kem tau gel blóng ebè Dwata ne yó kem sendalù, hol lómón yóm deng nmò le bè yóm gnan. Tanayen, wen yó kem sendalù fen gel tukô gna mò mentey, todol yóm hitu kem tau gel blóng ebè Dwata mò fen mféw, ominen yó kem dumu le mò fen mit yóm Slungan Fasad ne huli kul yó kem dumu sendalù mò mentey. Bè yóm kógów le lemibut yó, tey uni féw.

Juswa 6:15

Timbow kól bè yóm ghituhen kdaw hanà tolo minal mwas, gotu le bud btik na le e bud lenibut yóm syudad yó lómón yóm deng gel nmò le. Okóm bè nim ghituhen kdaw ni, hitu dulék le tendo lemibut du.

Juswa 7:16

Tahu se, hol hlafus bè yó gotu htaba Juswa yó kem tau Israél, senbungen lu bè ket ból le. Ne yó tendok Dwata, duhen yóm kun ból Juda.

Juswa 8:10

Hol hlafus bè yó, gotu htaba Juswa lu yó kem sendaluen ne gotu le lemwót etu bè Ay, tukô gna kul Juswa ne yó kem tau gónó le gel galak.

1 Samwél 17:20

Tahu se, timbow hol hlafus hayahen bè yó tódô btik Dabid, tebelen bè yóm sotu tau mentey ubiha yó kem ubihahen ominen lemwót, nwiten yóm ken hwit maen du. Yóm kkólen bè kamfù, deng le lemwót ebè yóm gónó le sfatay yó kem sendalù ne gotu le mensag.