Juswa 23:3 - Udél Dwata: Gna Kesfasad ne Lomi Kesfasad

³ Deng gotu ton ye yóm kdê nmò Dwata bè yó kem dumu but tau bè nim benwu ni lanen tmóbóng kuy. Yóm kut Dwata hol gónó mogot deng sfatay bè yó kem hohon tekuy.

Juswa 23:3 Referans Kwoze

Kehewà 14:14

Tódô ye henek abay se Dwata mit kul sfatay.”

Juswa 10:14

Bè yóm kdaw yó, Dwata se mung kul sfatay yó kem tau Israél. Balù sulék bè gnan kdaw ne efet nim kmoen ni ke lómón ni yóm kmò kógów kdaw, bè yóm tódô kimón Dwata du yóm udél tau.

Malakay 1:5

Yó bud udél Dwata ebè yó kem tau Israél, monen, “Angat hol kuy mata se mton du yóm kegbau yóm benwu Idom. Bè yóm kton ye du, botong mon ye, ‘Tey bong mfasang yóm sana kut Dwata hol gónó mogot, tódô gefet sentu benwu tekuy yóm tey kfasangen.’ ”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Juswa 23:10

Baluen ke tek sotu bélê ye, gbeken hlóy lemibu hohonen abay se eles mung bélê ye sfatay Dwata yóm sana kut Dwata hol gónó mogot, lómón yóm deng fasaden tekuy.

Kehewà 19:4

Yó udél Dwata, monen, “Deng ton ye yóm deng nmou bè yó kem tau Idyip ne yóm kmò kwitu kuy gu bè Idyip. Yóm kwitu kuy hol lómón yóm kwit banug ngaen, sal gel suen ta hafaken. Lómón yó se kmò kwitu kuy edini béléu.

Dwata 7:17

Ni kem but tau knikò ye ni, hol bê ye abay hendem là gbek ye mlo kul abay se tey le wen senta ye.

Dwata 7:24

Balù yó kem tau hol geta bélê le, bud gotu hnatay ye lu ne laen dù bud hemtulón kul nawa. Laen kô dù tau gembek hemseng kuy, gotu himot hnatay ye lu yóm kdê le.