Juswa 2:1 - Udél Dwata: Gna Kesfasad ne Lomi Kesfasad

¹ Omin Juswa lifut mdók lewu tau lemwót bè yó bè kamfù le bè Akasya mò na a hemkana yóm benwu Kanan, hol néen yóm syudad Jiriku. Timbow le kól bè yóm syudad yó, yóm lewu kem tau hemkana yó koni, tódô le hlós ebè gónô yóm sotu libun hdóyón boluyen Rahab ne bè yó gónó le tungô.

Juswa 2:1 Referans Kwoze

Hibru 11:31

Bè yóm benwu deng gbà yó, wen sotu libun nô du boluyen Rahab, tehe libun sundal. Lemwót bè yóm kehtahuhen bè Dwata, là homong hnatay le du bè yó kem dumu tau là mimón ke Dwata bè yó. Yó gónó le là hmatay du, abay se tehe tnóbóngen yó kem tau tehe na a hemkana bè benwuhen.

Sulat Jim 2:25

Senged snéen yóm sotu libun hdóyón ekni boluyen Rahab. Yó gónón tedeng kton Dwata du lemwót bè yóm któbóngen yó kem tau Israél tehe na a hmolung bè benwuhen. Tódô hnódóhen lu bè gónóen, ne tólóng lan hloloen kul bè kulék le anì wen lan le gewà bè yóm benwu yó.

Matyu 1:5

Mngà Nasun, duhen Salmun. Mngà Salmun, duhen Buas. (Ne yó boluy yê Buas, Rahab.) Mngà yóm Buas, duhen Ubid. (Ne yó boluy yê Ubid, Rut.) Timbow mngà nim Ubid ni, duhen Jisi.

Lista 25:1

Bè yóm kkamfù yó kem tau Israél bè Datal Akasya yó nmò le, deng mom wen bélê le mò samuk bè yó kem libun Muab nô bè yó.

Ifisus 5:5

Ni mò hol hendem ye. Yóm tau gel mò samuk ne yóm tau gel hemyak knô, là kóen gomong bè yó kem tau nogot Krays ne Dwata. Senged se yóm tau seglom, abay se yóm gel sen-glomen, yó se henged dwatahen.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Juswa 3:1

Timbow hlafus hayahen bè yó, tódô temkifu btik Juswa ne kdê yó kem tau Israél, tnagak le yóm kamfù le bè Akasya, mógów le etu bè Él Jurdan ne bè yó gónó le hlun bud kmamfù, nangat le yóm kdaw le mifal.

Lista 13:2

“Méléki sfolò lewu tau, ket sotu bélê le lemwót bè ket ktol yóm sfolò lewu kem but tau Israél, bede hono lemwót bè yó kem tau gel malak bélê le. Hógówem lu etu bè benwu Kanan mò hemkana ditu bè yóm benwu blayu yó kem tau Israél anì na le e hnénég mò kmoen yóm benwu yó.”

Juswa 5:10

Bè yóm igò le tolo kmamfù bè Gilgal yó kem tau Israél bè yóm datal moni bè Jiriku, bud hnigal le yóm Kdaw Khius bè yóm móyón kifu bè gesfoloen fat kdaw bè yóm tanay bulón. Yó se yóm bulón tehe kewót le gu bè Idyip yó kem tau Israél.

Juswa 1:18

Ke wen bélê me hemda kóm ne là nimón le du yóm hmoem kul, tódô hnatay kmò du. Duhen yó, holi hgel kut ne hol hfólem nawam.”

Juswa 2:2

Tikóng gungol yóm tau hol geta bè Jiriku yóm kwen kem tau Israél gefet bè yó yóm kifu yó na a hemkana yóm benwu le,

Mika 6:5

Ó kem dou tau, hentulón ye nawa dé yóm tehe tô atul Balak bélê ye yóm tau hol geta bè Muab bè yóm tô kehmulaen kuy, ne yóm tehe kmò kbalà Balaam du yóm ngà Biyur logi bè yóm knihen bélê ye yóm tóbóng Dwata. Là klifót ye du kô yóm yó? Hentulón ye nawa yóm tehe gónóhu tmóbóng kuy lenwóten bè kamfù Akasya efet kól bè Gilgal, yóm tehe kdê nmou bélê ye mò gónó ye gewà.”

Tekang Kbuten 42:9

Gtulón bè nawa Jusif yóm tehe keknahen kul, ominen mon du mò kul, “Kem tau ye hemkana nim yu. Tô henkana ye ke wen gónón là mbegel yóm kum benwu.”

Tekang Kbuten 42:16

Okóm sotu bélê ye bud mulék anì nan e nangay. Lemwót yó kem dumu ye, fen suu lu lem gónô blanggù efet tonu ktahuhen yóm deng mon ye. Ke là tahuhen, tahu yóm monu hemkana ye.”

Lista 13:1

Yó bud udél Dwata ebè Musis, monen,