Juswa 10:4 - Udél Dwata: Gna Kesfasad ne Lomi Kesfasad

⁴ “Hol ye mógów dou edini ne ye e tnóbóng ou mundug yó kem tau bè Gibyun, abay se deng le mit sbilà bè le Juswa ne bè yó kem tau Israél.”

Juswa 10:4 Referans Kwoze

Juswa 9:15

Deng mom yó nmò Juswa, deng mom mit sbilà bélê le. Lemwót se kul yó kem tuha gel malak yó kem tau Israél, wen safà nmò le bè yó kem tau Gibyun mò hemget du yóm deng kesbilà le.

Juswa 10:1

Deng gotu gungol Adunisédék yóm tau hol geta bè Jirusalim, yóm deng gotu kegbà Juswa yóm syudad Ay ne yóm deng khatayen yóm tau hol geta bè yó, lómón yóm deng tehe nmoen bè Jiriku ne bè yóm tau hol geta bè yó snéen. Gungol Adunisédék snéen yóm deng kwit le sbilà bè yó kem tau Israél yó kem tau bè syudad Gibyun ne deng le menwu moni bè yó kem tau Israél.

Deng Hegfan 16:14

Ni kem tlu busaw ni, tey dê hentaw ton nmò le. Gotu le mógów ebè yó kem kdéen tau hol geta talak tonok, gotu sentifun le lu anì na le e mò gida bè yóm kdaw alì knikò tau deng tehe eles olu Dwata, yóm Dwata laen dù là gbeken du.

1 Pitér 4:4

Ne ni kmoen ni, tey ketnga yó kem tehe dumu ye gel mò sidek ekni, abay se là bud ye gel mung hbusaw bélê le. Yó se gónó le gel semdekà kuy.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

2 Timuti 3:12

Ke wen tau hol sen-galuhen kguliten lanen mimón ke Krays Jisas, wen gónón glayam bè yó kem dumu tau là hemtahuhen.

Kul Nmò 21:28

“Ó kem dumu me tau Israél, tnóbóng ye mi. Ni se yóm tau tendo tmolok bè yó kem dumu benwu. Yóm toloken yó, hen-gnoken tekuy kem tau Israél, dalang se yóm hlau Musis, kkólen bè nim Gónô Dwata nii. Lelen yó he hgolu yóm Gónô Dwata bè yóm kwiten elemen yóm tau là Juhen. Deng nuléhen yóm hlau bè Gónô Dwata yóm nmoen yó.”

Kun Snulat Jan 15:19

Ke nmung ye yóm kul kehedem, là kô knutó nawa le kuy. Okóm ni, tólóng ne kuy kehedem lemwót bè yóm deng kéléku kuy, là bud ye gmung bélê le ne. Yó se lewót gónó le kmutó nawa kuy.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Juswa 10:5

Tahu se, lemwót nim limu kem tau hol geta bè kem Amurayt ni gotu sentnù le lu yó kem sendalù le. Omin le lemwót na le e snibut yóm syudad Gibyun, omin le gmida du.