Juswa 10:1 - Udél Dwata: Gna Kesfasad ne Lomi Kesfasad

¹ Deng gotu gungol Adunisédék yóm tau hol geta bè Jirusalim, yóm deng gotu kegbà Juswa yóm syudad Ay ne yóm deng khatayen yóm tau hol geta bè yó, lómón yóm deng tehe nmoen bè Jiriku ne bè yóm tau hol geta bè yó snéen. Gungol Adunisédék snéen yóm deng kwit le sbilà bè yó kem tau Israél yó kem tau bè syudad Gibyun ne deng le menwu moni bè yó kem tau Israél.

Juswa 10:1 Referans Kwoze

Hibru 7:1

Nim Mélkésédék monu ni koni, tehe tau hol geta mogot yóm benwu boluyen Salim, ne lelen du he yóm fen semblóng kem tau ebè Dwata, yóm hol geta bè kdéen. Bè yóm tehe kulék Abraham bè yóm katuen bè yó kem fat tau hol geta hmohon du, bè yóm hanà tolo knóen bè lan, senlong Mélkésédék. Yó nmò Mélkésédék mni béléen bè Dwata ne wen oluhen du.

Juswa 8:2

Hol bud nmoem bè yóm syudad Ay ne bè yóm tau hol geta bè yó yóm deng nmoem bè Jiriku ne yóm tau hol geta bè yó snéen. Okóm bè nim kundug ye ni, gbek ye ne ma du mò kuy yó kem kimu bè yó ne yóm kdê ton ye bè yó. Tódô kento nundug ye yóm syudad yó mlan ye gu bè kwangen.”

Juswa 6:21

Gotu hnatay le yóm kdéen tau nô lemen mlan bè sudeng le, kem logi ne kem libun, kem ngà ne kem tuha. Gotu hnatay le snéen yó kem safì ne yó kem ubiha ne kem kudà asnu.

Tekang Kbuten 14:18

Ne bud semlong se kun ke Mélkésédék, yóm tau hol geta bè Salim. Du se bud gel blóng le ebè yóm Dwata hol geta bè kdéen. Wen mambang slongen ke Abram mung du yóm tifas grép gel ninum le.

Juswa 8:21

Lemwót bè yóm deng kton Juswa du ne yó kem sendaluen yóm deng kled yó kem dumu le du yóm syudad Ay ne yóm tey kebel mbob etta bè longit, yó gónó le beklil se kul na le e senfatay yó kem sendalù Ay kemtes kul.

Juswa 10:3

Ne yó gónó Adunisédék mdók tau ebè Hoham bè Hibron ne bè Piram bè Jarmut ne bè Jafiya bè Lakis ne bè Dibir bè Iglun, monen,