Juswa 1:8 - Udél Dwata: Gna Kesfasad ne Lomi Kesfasad

⁸ Hol gel senfalahem yóm bok gónón nô yó kem hlauhu kuy. Eles tendo suem bè nawam senflósen kdaw ne kifu ne hol nimón ye yóm kdê snulat lemen. Sónen bè yó se gónón hyu kógów klowilem ne gónóm gembek mò du yóm hmou kóm.

Juswa 1:8 Referans Kwoze

Kem Lingón 119:15

Hennagiu yó kem gel hloloem kum, ne tey kehedemu du yó kem tolokem.

Kem Lingón 19:14

Hol tnóbóngem ou, Dwata, bè yóm kmò kudélu ne bè yóm kmò kehedemu anì hyu nawahem du. Són uu se yóm gónóhu e mlo, ne són uu yóm deng msok dou.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Kem Udél Hlalak Tehe Selumun 3:1

Ó Man, béem abay klifót yó kem toloku kóm, okóm hol hnóem bè nawahem yó kem hlolou kóm.

Kun Snulat Jan 14:21

Yó se tau hemmóyô du yóm dou hlau ne mimón du, yó se yóm tau kembong nawa do. Ne angat kenbong nawa Mà snéen kun yóm tau kembong nawa do yó. Tey kbong nawahu du snéen dou, ne angate hegfan béléen.”

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Matyu 7:24

“Duhen yó,” mon Jisas, “yó se tau hmungol udélu, ne nimónen, hol lómón ke du yóm tau hulung hedem hemdà gónô te botu.

Kem Lingón 119:11

Eles tendo hendemu yó kem hlauhem anì là gemsalae béléem.

Kem Lingón 119:97

Tey kbong nawaw du yó kem hlauhem, Dwata, seflósu kdaw tendo hemdem kul.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Juswa 1:7

Hol hotuhem gelem ne hol hfólem nawam. Hol nimónem yóm kdê deng hlau Musis kuy yóm tau tóbóng lówóhu. Hol béen abay wen nuléhem du anì wen uléken yóm gel nmoem.

Dwata 30:14

Okóm yó kem hlau Dwata yó deng eles nô bélê ye. Kaem gbek ye tódô mon du bè sumóng ye ne deng eles nô lem hendem ye. Yó gónóm mon, hol nimón ye.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Kem Lingón 119:99

Bong he do khulung temnef senta yóm kul khulung temnef yó kem tau tmolok do, abay se do tendo eles nulón nawaw yó kem hloloem do.

Isaya 59:21

Ne wen senfasad tekuy, duhen yóm keblayu du kuy yóm dou Tulus ne yóm dou tolok ne laen kô dù tul sónen yóm knóen bélê ye. Ne yó mò kuy fasad do, nbuten ni yóm hol kimón ye do. Yóm kimón ye do yó, hol senflós ye tmolok du bè yó kem ngà ye kkólen bè yó kem angat sfu ye.”

Dwata 5:32

Ne ni, kem tau Israél, hol nimón ye yó kem hlauhen kuy yóm sana kuy Dwata hol gónó mogot. Hol béen abay wen glafang ye bè yó kem hlauhen kuy.

Dwata 31:11

bè yóm kdaw le gel stifun tmaba ebè yóm sana kuy Dwata hol gónó mogot bè yóm benwu néléken mò gónó ye gel tmaba ebéléen.

Ifisus 4:29

Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

Matyu 12:35

Yóm tau hyu, hyu kebkóhen lemwót bè yóm hyu gel suen lem hendemen. Yóm tau sidek, sidek kebkóhen lemwót bè yóm sidek gel suen lem hendemen.

Kem Lingón 40:10

Là kô limengu du yóm tulón hyu gbak ebè yóm kehewaem kum. Tódô senflósu tmulón du yóm là konol nawahem ebélê me ne yóm tey któbóngem kum. Bè yóm gel kestifun le yó kem kóm tau, balù sulék ke tódóe yem lem blóng le. Gel tulónu yóm tendo gel kfihem kum, ne yóm kbong nawahem kum tódô seflós.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Tekang Kbuten 24:63

Bè yóm móyón kkimelen, lelen mógów gu talak kem huluhen ne tódô tonen se yó kem kamél stodol gu ditu.

Dwata 31:24

Gotu snulat Musis bè bok yó kem hlau Dwata ne tey ketgamahen du anì laen dù gtebelen.

Juswa 8:34

Omin Juswa hgel semfala du yó kem hlau Musis, gomong lemen yóm kuyag Dwata yó kem tau mimón du ne yóm tafaken yó kem tau là mimónen. Gotu senfalahen yóm tehe snulat Musis lem yóm Bok Hlau.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

2 Tutul Israél 26:5

Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.