Juswa 1:5 - Udél Dwata: Gna Kesfasad ne Lomi Kesfasad

⁵ Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Juswa 1:5 Referans Kwoze

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Juswa 3:7

Yó udél Dwata ebè Juswa, monen, “Yóm nmou bélê ye kemdaw ni, mò gónó le madat kóm yó kem tau Israél mò tau malak kul. Ne bè yó gónó le dmilô du yóm knóu béléem lómón yóm tehe knóu bè Musis.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Sulat Pol Ebè Yó Kem Tau Hemtahu Bè Rom 8:37

Okóm lemwót bè yóm tóbóng Krays, yóm fen kembong nawa tekuy, yó gónó tekuy matù bè yó kem mgel gel sut bélê tekuy.

Juswa 1:17

Nimón me uu lómón yóm tehe kimón me ke Musis. Yó hem kóm sana Dwata hol gónó mogot tendo nô béléem lómón yóm tehe knóen bè Musis.

Dwata 7:24

Balù yó kem tau hol geta bélê le, bud gotu hnatay ye lu ne laen dù bud hemtulón kul nawa. Laen kô dù tau gembek hemseng kuy, gotu himot hnatay ye lu yóm kdê le.

Juswa 6:27

Duhen yó, tódô senflós Dwata nô bè Juswa ne tódô lenngeben yóm klamang yóm benwu yó yóm tey któtól Juswa.

Dwata 31:23

Omin Dwata bud mudél ebè Juswa yóm ngà Nun, monen mò du, “Eles hfólem nawam ne elesi htigel. Uu se mò fen bud tles malak kul yó kem tau Israél ebè yóm tonok fasadu kul ne ou se tendo nô béléem.”

Dwata 4:31

Yóm Dwata, tey kmodu. Là kô nan e bayà kuy ne là se kô nan e genlà kuy. Ne là se kô nan e klifót du yóm deng kesfasad le yó kem tehe fù ye.

Juswa 10:8

Bè yóm kewót le, yó mon Dwata mò ke Juswa, “Hol béi abay hlikò bélê le. Deng blayu lu elem hólólem. Bà sotu bélê le ke gembek kóm.”

Kmukum 2:18

Ke gel wen tau kmukum sù Dwata lem blóng le, tendo eles nô béléen Dwata yóm tau yó, ne klawihen mowil sal gel lenwà Dwata yó kem tau Israél lem tdok yó kem hohon le. Yakà tey kkodu Dwata kul yó kem tauhen bè yóm tey kehegnok le kul yó kem hohon le ne bè yóm tey kehlayam le kul.

Kmukum 6:16

Bnalà Dwata se, monen, “Kaem gbekem hewà kul abay se ou tmóbóng kóm. Yóm klahilem gemlà kul hol lómón ke tek sotu tau gnidahem.”

1 Samwél 10:7

Ke deng kól béléem ni kem ilô ni tódô nmoem yóm hyu béléem, yakà nóen béléem Dwata.

1 Bok Kem Tau Hol Geta 1:37

Ne Dwata he hol nô bè Selumun lómón yóm deng knóen béléem, ne Dwata he hol hegeta yóm kogot Selumun benwu senta yóm kóm kogot.”

1 Bok Kem Tau Hol Geta 6:13

Lem nim Gónô hdà ye béléu ni gónóhu nô lem blóng yó kem tauhu Israél, ne là kô naw e bayà kul.”

1 Bok Kem Tau Hol Geta 8:57

Yó hem sana kut Dwata hol gónó mogot tendo nô bélê tekuy lómón yóm tehe knóen bè yó kem tehe fù tekuy ekni. Hni me béléen anì là kô nan e bayà tekuy,

1 Bok Kem Tau Hol Geta 11:38

Ke hol hnungolem nim tulónu kóm ni, ne ke hol loloem yóm dou lan, ne ke nmoem yóm tedeng bè ktonu du, ne ke nimónem yó kem dou hlau lómón yóm kun gel nmò Dabid yóm tau tóbóng lówóhu, tendohe nô béléem. Angat nmou uu mò tau hol geta bè Israél, ne angat le setles mogot benwu huli kóm yó kem sfuhem, lómón yóm deng nmou bè Dabid.

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Jirimaya 1:8

Béi abay hlikò bè yó kem tau, yakà tendohe nô béléem mò kemlung kóm. Ou se Dwata nim mudél ni.”

Tekang Kbuten 39:2

Bè yóm kbaling Jusif hesek bè Putifar tendo eles nô béléen Dwata, yó gónón hyu uléken bè ket yóm gel nmoen. Tódô nô bè yó bè gónô yóm tau Idyip amohen.