Juswa 1:4 - Udél Dwata: Gna Kesfasad ne Lomi Kesfasad4 Yó gónón gkilil yóm tonok yó, lenwóten fi leged bè yóm benwu laen hol wen tauhen efet kól fi bwak yóm Bulul Libanun. Yó bud kililen fi dmata kdaw, lenwóten bè Él Yufratis, hnalaken benwu yó kem tau Hitayt efet kól bè fi desdef Mohin Miditiranyan. Gade chapit la |
Lenkas ye kamfù ye ne bud ye lemwót. Mógów ye etu bè tu kem bulul lemnek bè benwu yó kem tau Amurayt ne etu bè tu kem benwu hmilol kul, bè Datal Jurdan ne bè yó kem bulul lemnek bè yóm benwu yó ne bè yó kem datalen. Mógów ye etu fi legeden ne etu bè kilil Mohin Miditiranyan. Mógów ye etu bè klamang benwu Kanan efet kól ditu sentu yó kem bulul bè Libanun, efet ye kól ditu bè yóm él bong boluyen Yufratis.
Gotu nogot Selumun yóm tau hol geta yóm klamangen, nbuten bè Él Yufratis fi dmata kdaw efet kól etu bè tonok yó kem tau Flistin bè kilil mohin fi desdef, ne efet bud kól etu fi leged bè kilil Idyip. Lemwót yó kem tau menwu bè yó kem benwu deng gled le, gel le mayad bwis bè Selumun, ne mogot le béléen bè yóm klawihen mowil.
Bè yóm kdaw yó, yóm klitun tók lemwót bè Idyip ke gel hbalù le ebè Jirusalim, gbek le bemli du nem latu botù blówón bukay, ne gbek le bemli sotu kudà bè tek lematu bud limu folò botù blówón bukay. Ni kem kudà ni, tey dê bud hbalù le ebè yó kem tau hol geta bè yó kem tau Hitayt, ne ebè yó kem tau hol geta bè Aram.