Juswa 1:2 - Udél Dwata: Gna Kesfasad ne Lomi Kesfasad

² “Deng matay Musis, yóm tóbóng lówóhu. Yó gónóm mon, uu se tles mit kul yóm kdéen tau Israél na ye e nifal yóm Él Jurdan, mógów ye etu bè yóm tonok blayu kuy.

Juswa 1:2 Referans Kwoze

Dwata 31:7

Omin Musis tmaba ke Juswa, ne monen mò du bè yó bè solu yóm kdéen tau Israél, “Ó Juswa, holi eles htigel se kóm ne hol hfólem nawam. Uu mò fen bud tles malak kul ni kem tau ni ebè yóm tonok tehe fasad Dwata bè yó kem tehe fù le. Uu mò tmóbóng kul anì hlós kegfun le du yóm tonok yó.

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Juswa 1:1

Kogol yóm katay Musis yóm tau tóbóng lówó Dwata, yó udél Dwata ebè Juswa yóm ngà Nun tehe tóbóng lówó Musis, monen,

Lista 12:7

Okóm tólóng ke mudéle ebè Musis kun, yóm tóbóng lówóhu. Deng gotu sigangu tahen yó kem dou tau Israél.

Dwata 34:5

Tahu se, matay Musis bè yó bè Muab yóm tau tóbóng lówó Dwata, hol lómón yóm deng mon Dwata mò du.

Job 1:8

Mon Dwata se, “Tonem Job kô, yóm tau tóbóng lówóhu? Laen dù tau talak tonok ke mkél béléen. Laen dù gónó le gemsanil du kem dumu tau. Tau gulit knawahen, lelen bong klikoen do ne tendo hetsik bè yóm sidek.”

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.