Juswa 1:1 - Udél Dwata: Gna Kesfasad ne Lomi Kesfasad

¹ Kogol yóm katay Musis yóm tau tóbóng lówó Dwata, yó udél Dwata ebè Juswa yóm ngà Nun tehe tóbóng lówó Musis, monen,

Juswa 1:1 Referans Kwoze

Dwata 34:9

Yó tles Musis duhen Juswa yóm ngà Nun. Tey tau hulung hedem abay se deng tehe nnok Musis ta kuluhen bè yóm kéléken du mò tlesen. Tey kimón le ke Juswa yó kem tau Israél ne lolò le yóm kdê hlau Dwata hlanen bè Musis.

Dwata 31:23

Omin Dwata bud mudél ebè Juswa yóm ngà Nun, monen mò du, “Eles hfólem nawam ne elesi htigel. Uu se mò fen bud tles malak kul yó kem tau Israél ebè yóm tonok fasadu kul ne ou se tendo nô béléem.”

Dwata 31:3

Dwata he fen tukô gna kuy yóm sana kuy Dwata hol gónó mogot ne gotu genlaen yó kem tau menwu ta yóm tonok blayen kuy anì gfun ye yóm tonok le. Yó mò bud tles malak kuy duhen Juswa, hol lómón yóm deng mon Dwata.

Kehewà 24:13

Tahu se, omin le htifes le Musis ne Juswa yóm tau tóbóng lówóhen, mneged le eta yóm bulul Dwata yó.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Kul Nmò 7:45

Bè yóm gónô tehe hmò Dwata kul yó, hlós tendo gel nwit yó kem lugod le. Bè yóm katay Musis, Juswa tles bud malak yó kem tehe fù tekuy ebè yóm benwu tehe blay Dwata kul. Eles tukô gna kul se Dwata, ne gotu hdóhen yó kem tau menwu ta yóm benwu gónón e malak kul yó. Bè yóm klawi le nô bè yóm benwu yó, eles tendo gel mdà lem blóng le se yóm Gónô Dwata yó efet kól bè yóm kun kdaw Dabid.

Dwata 34:5

Tahu se, matay Musis bè yó bè Muab yóm tau tóbóng lówó Dwata, hol lómón yóm deng mon Dwata mò du.

1 Bok Kem Tau Hol Geta 19:16

Ominem bud temwél te kulu Jihu ngà Nimsi mò ilô yóm kbalingen tau hol geta bè Israél. Ne bud tenwélem hnolo Ilaysa snéen yóm ngà Safat lemwót bè Abél-mihula mò temles kóm bud tmugod do.

Dwata 33:1

Ni se yó kem udél Musis yóm tau Dwata, bè yóm kuyagen yó kem tau Israél gu laanen là deng matay, yó monen,

Lista 12:7

Okóm tólóng ke mudéle ebè Musis kun, yóm tóbóng lówóhu. Deng gotu sigangu tahen yó kem dou tau Israél.

Lista 11:28

Omin Juswa hebkó mudél yóm ngà Nun. Du se yóm gel tóbóng lówó Musis nbuten bè yóm hanà klomihen tau. Yó udélen ebè Musis, monen, “Tenflokem lu, Sér.”

Deng Hegfan 1:18

Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

Taytus 1:1

Ou Pol gónón lemwót nim sulat ni, sotu tau tóbóng lówó Dwata, ne yóm fen gel hógów Jisas Krays. Deng néléken ou mò hógówen anì metnù kehtahu yó kem tau deng kun nélék Dwata, ne anì tngón le ktahuhen yóm deng hentahu tekuy.

Kun Snulat Luk 16:10

Yóm tau ke gulit kogoten yó kem udì hogot le du, bud gulit snéen bè yóm bong. Ne ke là gulit kogoten du yó kem udì hogot le du, là se gulit kogoten du yóm bong.

Dwata 34:12

Laen dù dumu tugod Dwata ke gbek le mò du yó kem tey knikò deng nmò Musis lem blóng yó kem tau Idyip. Ne gotu ton yó kem tau Israél yóm nmoen yó.

Juswa 1:2

“Deng matay Musis, yóm tóbóng lówóhu. Yó gónóm mon, uu se tles mit kul yóm kdéen tau Israél na ye e nifal yóm Él Jurdan, mógów ye etu bè yóm tonok blayu kuy.

Juswa 1:15

efet le gnô ta yóm tonok deng blay Dwata kul nô fi desdef Él Jurdan. Ke deng tilob kehnô Dwata kul tahen yóm tonok yó, omin ye yó he mulék edini anì na ye e nô ta yóm kuy tonok bè ni fi dmata kdaw Él Jurdan, yóm tonok deng blay Musis kuy yóm tau tóbóng lówó Dwata.”

Nihimaya 8:17

Tódô kdê yó kem tau tehe negef deng bud mulék, gotu le mò slung ne nô le lemen. Ni he bud kmò le du yóm ni lenwóten bè yóm tehe kun kdaw Juswa yóm ngà Nun. Tódô kdê le gotu hligal mò du yóm yó.