Juna 4:8 - Udél Dwata: Gna Kesfasad ne Lomi Kesfasad

⁸ Timbow deng malù tahà kdaw, hyuf Dwata gu fi dmata kdaw yóm tey lenos kinì eta Juna, botong kfuteng bà mon tey ékét kdaw mnóng etahen. Hol kóyô Juna ke matay. Yó monen, “Mom hyu nawaw tódô kem matay ne.”

Juna 4:8 Referans Kwoze

Juna 4:3

Ne ni, Dwata, géhél nwahem klowilu ne. Mom hyu nawaw tódô kem matay ne.”

Kem Lingón 121:6

Là kô gehsideken kóm yóm nóng kdaw ke kemdaw, duhen ke nóng bulón ke kifu.

Deng Hegfan 7:16

Là kô bud wen kbitil le duhen ke wen kleeng le. Ne là se kô bud gnóm le du yóm sidek ékét kdaw.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Isaya 49:10

Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Juna 1:17

Bè yóm kbot le ke Juna yó, wen tey utón bong dók Dwata mò na a hemlo du. Botong tlu buteng Juna nô lem blutut yóm utón yó.

Juna 1:4

Okóm yó nmò Dwata, hbelen yóm tey lenos bong te mohin ne tey lewók setbulù, deng tô gbà yóm kafal le.

Kem Lingón 39:9

Tódóe yem bè soluhen, là kóe bud mudél, abay se uu yóm deng tmafak dou.

Job 2:10

Bnalà Job se, monen, “Kudél libun nungel. Bè yóm klawihen wen hyu blay Dwata kut tey kehmóyô te du. Moen se ke tô te tmalaw ke henwiten tu sidek?” Balù yóm deng tey kwen hlayam Job, ewenem laen kô dù udél sidek btang bè sumóngen.

1 Samwél 3:18

Tahu se, gotu tulón Samwél ke Ili yóm kdéen, laen dù bnosen du. Yó mon Ili mò du, “Dwata se yó, nmoen yóm hyu béléen.”

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

Matyu 20:12

mon le mò du, ‘Yó kem tau huli sut yó, là dengen legen he yóm kul kmò nmò, hanà tek sotu uras le. Blaem nim kum, deng sendaw me ni ne htanggas bè nóng kdaw, tódô kóem gotu hsengedem sukéy me.’

1 Bok Kem Tau Hol Geta 19:4

Tódô sendawen mò du mógów tek sotu lem yóm benwu laen hol wen tauhen, ominen hegnô ne myón bè gónón golung laan yóm sotu koyu udì boluyen brum, mni bè Dwata anì tódô matay. Yó udélen, monen, “Ó Dwata, là bud gbeku du ne. Nwahem ne klowilu, laen sem dù gónów stólóng bè yó kem tehe fuu deng matay.”

Husiya 13:15

Anien ke lómón klobung kluon yóm Israél, okóm angat hwitu ebélê le yóm lenos kinì gu bè yóm benwu là hyu menwu du fi gu dmata kdaw anì gotu kti yó kem tbul él ne yó kem kokol le. Angat gotu negef yó kem hohon le yó kem kimu mebtes deng henyu le.

Juna 4:9

Okóm yó bud mon Dwata mò du, “Hyu kô, Juna, yóm alì kebutem du yóm kenes yóm hulu yó?” Bnalà Juna se, monen, “Wen se buten nim kebutu ni. Tumù nawaw tódô kem matay ne.”

Tekang Kbuten 41:6

Ominen bud wen hitu kanguy halay tonen msut huli okóm hono kafa lemwót bè yóm tey lenos kinì gu dmata kdaw.

1 Bok Kem Tau Hol Geta 21:4

Lemwót bè yóm balà Nabot du yó, tódô mulék ebè gónóen Ahab, tey kebuten ne tey keblat nawan. Tódô hlilil smolu ebè beng, lelen là móyô mken.