Juna 4:6 - Udél Dwata: Gna Kesfasad ne Lomi Kesfasad

⁶ Ne yó nmò Dwata, wen hulu lemfà htowoken eta yóm slung Juna mò temnù gmolung du anì hyu kegnómen du. Ya tey kehyu nawa Juna du yóm hulu yó.

Juna 4:6 Referans Kwoze

1 Kurin 7:30

Baluen ke wen tau langag, duhen ke wen tau hligal, duhen ke wen tau wen kendengenen, yake béen geskét bè yó kem yó anì mekteng yóm kmoen nmò bè Dwata.

Kun Snulat Luk 10:20

Okóm,” monen, “bê ye mom kat alì hnigal se yóm deng kimón le kuy yó kem busaw. Yó dé hol hnigal ye, yóm boluy ye deng snulat Dwata bè longit.”

Juna 1:17

Bè yóm kbot le ke Juna yó, wen tey utón bong dók Dwata mò na a hemlo du. Botong tlu buteng Juna nô lem blutut yóm utón yó.

Istér 5:9

Bè yóm kewót Haman bè yó ya tey kehligalen, tilob kegnómen du. Okóm bè yóm ktonen ke Murdikay myón bè bak tikeb yóm gónô bong ne là dogen mdà duhen ke wen dumu nmoen mò gónón hegfan yóm kadaten du bè yóm kiwesen bè yó, ya tey sidek kebut Haman du.

Amus 6:13

Tey kehligal ye bè yóm kled ye yóm benwu Lo-dibar. Yó udél ye heklabak, mon ye, “Balù Karnaim, botong gled me lemwót bè yóm tey kekgis me.”

Kem Udél Hlalak Tehe Selumun 23:5

Yóm kendengenem tey mahil gotu, là kô sudofem du sana là bud tonem du.

Juna 4:5

Omin Juna mógów fi dmata kdaw bè yóm syudad yó ne bè yó gónón myón. Wen slung nmoen mò gónón hgolung, nangaten ke tedu angat nmò Dwata bè Ninibi.

Juna 4:7

Okóm hayahen bè yó, bè yóm deng kebtù mata kdaw, wen kuled hken Dwata du yóm hulu yó ne menes.