Juna 4:5 - Udél Dwata: Gna Kesfasad ne Lomi Kesfasad

⁵ Omin Juna mógów fi dmata kdaw bè yóm syudad yó ne bè yó gónón myón. Wen slung nmoen mò gónón hgolung, nangaten ke tedu angat nmò Dwata bè Ninibi.

Juna 4:5 Referans Kwoze

1 Bok Kem Tau Hol Geta 19:13

Bè yóm kungol Ilaydya du, botong snefengen nes uyóhen ne hewà mdà bè bak yóm kilib. Yó mon yóm mudél yó, “Ó Ilaydya, tedu se nmoem bè ni ni du?”

1 Bok Kem Tau Hol Geta 19:9

Tikóng kól bè yóm bulul yó, ominen mógów ebè yóm sotu kilib, ne bè yó gónón nô kifu. Tódô mudél ebéléen Dwata, monen, “Ó Ilaydya, tedu nmoem bè ni ni du?”

Isaya 57:17

Tahu se, tehe lenbutu lu lemwót bè salà le ne bè yóm tey kesbì le ne yó se gónóhu tmafak kul ne tódô mayà kul. Bede tey mgel kulu le, tódô henlel le lemolò du yóm kul kóyô.

Juna 1:5

Ya tey sidek klikò yó kem tau mò nmò lemen, tódô ket tau tmaba ebè yóm kun dwata gónó hemtahu, lel le gotu mbot elem mohin yó kem dumu lulón le anì malù maan yóm kafal. Okóm ke Juna kun, mom henga tungô ditu laan lem bediga yóm kafal.

Jirimaya 20:9

Okóm ke monu tódô klifótu ne Dwata ne laen dù bud tulónu mlan bè boluyen. Yó mò do yóm udélem bnosu lem hendemu, hol lómón ke ofi mken lem but blututu ne mken lem tiolu. Là bud gafasu du ne ke là tulónu du yóm htugodem dou.

Juna 4:4

Ne yó balà Dwata ke Juna, monen, “Hyu kô, Juna, yóm alì kebutem yó?”

Juna 4:6

Ne yó nmò Dwata, wen hulu lemfà htowoken eta yóm slung Juna mò temnù gmolung du anì hyu kegnómen du. Ya tey kehyu nawa Juna du yóm hulu yó.