Juna 4:2 - Udél Dwata: Gna Kesfasad ne Lomi Kesfasad

² Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Juna 4:2 Referans Kwoze

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Kem Lingón 145:8

Yóm Dwata gónó tekuy mogot, tey kbong nawahen tau, ne tey knoduhen lu. Là kóen mahil lembut, ne là kóen monol yóm kbong nawahen tau.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Jirimaya 18:8

okóm ke yó nmò yó kem tau bè yóm benwu yó, knogol le yó kem sidek gel nmò le, là kô hendohou du yóm deng monu yó, là kô genbau du yóm benwu yó.

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Amus 7:3

Tahu se, là hdohò Dwata du, monen, “Là dohoen yóm deng tonem yó.”

Juna 3:10

Tahu se, ton Dwata yóm nmò le yó ne tonen se yóm gotu ktebel le du yóm kdê sidek gel nmò le. Yó gónón temles hendemen ne là kô dohò tnafaken kul, lómón yóm tehe monen mò kul.

Juna 1:3

Okóm mom yó atul Juna, mógów ebè yóm tólóng benwu alì mayuk bè Ninibi, tô henlóyen Dwata. Yó gónón lemwót mógów ebè Jupa, yóm sotu syudad nô bè kilil mohin, ne bè yó gónón mton du yóm kafal mógów ebè Spén. Tódô kendel bnayaden yóm sukéyen anì hsakay le, mung bè yó kem tau gel mò nmò bè kafal anì yó, wen lanen tô hlayuk bè Dwata.

1 Bok Kem Tau Hol Geta 19:4

Tódô sendawen mò du mógów tek sotu lem yóm benwu laen hol wen tauhen, ominen hegnô ne myón bè gónón golung laan yóm sotu koyu udì boluyen brum, mni bè Dwata anì tódô matay. Yó udélen, monen, “Ó Dwata, là bud gbeku du ne. Nwahem ne klowilu, laen sem dù gónów stólóng bè yó kem tehe fuu deng matay.”

Amus 7:6

Tahu se, là hendohò Dwata du, monen, “Là dohoen snéen yóm deng tonem yó,” udél yóm Dwata hol dandónen geta.

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Kun Snulat Luk 10:29

Okóm yóm tau tmolok hlau yó, tô hemtedeng knô. Yó gónón mon du mò ke Jisas, “Tmau du se mò bang dumuhu du?”

Jirimaya 20:7

Yó udél Jirimaya ebè Dwata, monen, “Ó Dwata, deng tey kubugem dou bè yóm kehtugodem do. Teyi kemgis sentahu ne uu gemmò béléu. Ne ni, tey sidek kesedekà le dou yóm kdéen tau bè nim syudad ni.

Dwata 4:31

Yóm Dwata, tey kmodu. Là kô nan e bayà kuy ne là se kô nan e genlà kuy. Ne là se kô nan e klifót du yóm deng kesfasad le yó kem tehe fù ye.

Kem Lingón 103:8

Tey kmodu yóm Dwata, ne tey bong nawahen tau. Là kóen mahil lembut, ne là monolen yóm kbong nawahen tekuy.

Jirimaya 26:13

Okóm ke hol kó ye yó kem sidek tendo gel nmò ye ne ke hol nimón ye yóm sana kuy Dwata hol gónó mogot, angat tenles Dwata hendemen bè yóm keglaen kuy.

Jirimaya 42:10

‘Tódô ye henek bè nim benwu ni. Ke ni se nmò ye bud hdau yu, là kô naw e bud hebtang kuy. Lómón ke bud huluhu yu ne là kô naw e bud kendut kuy. Là gbeku du ke là tnafaku kuy lemwót bè yóm là kimón ye. Bede bud sidek kegnómu du bè yóm alì keglayam ye.

Juna 3:9

Là tngón te du ke tenles Dwata hendemen, mkó yóm kebuten tekuy ne yó se gónó tekuy là matay.”