Juna 3:8 - Udél Dwata: Gna Kesfasad ne Lomi Kesfasad

⁸ Kdéen tau gotu mnes sakù. Balù yó kem ógóf ye, nmò ye sakù le. Tódô kdéen tau hol mni bè Dwata ne hol tebel ye yóm kdê sidek gel nmò ye.

Juna 3:8 Referans Kwoze

Juna 1:6

Timbow ton yóm kfitan mit kafal, monen mò du, “Tedum tlek tnungóem ni du? Btiki ne géhéli mni tóbóng bè yóm kóm dwata. Nénég ke wen koduhen tekuy ne ke hlowilen tekuy.”

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Juna 1:14

Ne omin le tmaba ebè Dwata, yó mon le, “Ó Dwata, ni hol hni me béléem, hol béem abay hbô kum klowilen nim tau ni. Lemwót béléem yóm gfà me ni, uu se mò du.”

Kul Nmò 26:20

Bè syudad Damaskus yóm hol tanay benwu gónóhu tmolok, ominu bud tmolok bè Jirusalim, efet lenngebu klamangen benwu yó kem tau Israél, ngangen ne efete tmolok lem blóng yó kem tau là Ju le. Yó gel monu bè yóm ktoloku, ‘Hegsel ye ne, ne nimón ye Dwata. Hdilô ye bè kmò ye yóm deng kehegsel ye.’

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Jirimaya 18:11

Duhen ni Jirimaya, eles hetgamahem yó kem tau bè Juda ne yó kem tau bè Jirusalim, monem mò kul, ‘Ni se udél Dwata ebélê ye, monen, deng wen ne atulu eta ye ne deng wen eles hentifesu mò heglumfaku kuy. Duhen yó, hol knogol ye ne yó kem sidek gel nmò ye yóm ket kuy na sotu. Tenles ye kmò ye ne hol nmò ye yóm hyu anì là henlósu du yóm atulu yó.’ ”

Isaya 58:6

Ni dii yóm kmò kfasting nóyóu. Hewà ye yó kem tau tódô blanggù laen dù salà. Ne bê ye bud hen-gnok yó kem tau mò nmò bélê ye. Hol henyu ye kmò ye ebélê le ne blay ye kul yóm deng leniteg le.

Deng Hegfan 11:3

Angat wen lewu tau hógówu mò tugodu ebè yó bè yóm tlu halay bud sóól, bede mnes le sakù.”

Jirimaya 25:5

Yó tendo mon Dwata mò kuy, ‘Knogol ye ne yóm sidek gel lolò ye ne yóm sidek gel nmò ye, anì yó gnô ye ta yóm tonok deng blayu kuy dalang se ebè yó kem tehe fù ye mò hlós nfun ye efet kól bè sónen.

Jirimaya 26:3

Déke gungol yó kem tau ne tenflok le yó kem sidek tendo gel nmò le. Ke yó nmò le, là kô hdohou du yóm keglau kul lemwót bè yó kem sidek gel nmò le.

Jirimaya 36:3

Ke gungol yó kem tau bè Juda yóm kdê angat tô heglumfaku kul, déke knogol le yó kem sidek tendo gel nmò le. Ke yó nmò le, gotu hnifótu yó kem salà le ne kdê yó kem sidek tendo gel nmò le.”

Juwél 1:14

Eles heglalag ye yóm sotu kdaw htólóng ye mò kdaw ye fasting mni bè Dwata. Hol htaba ye yó kem tau anì na ye gotu stifun tmaba ebè Dwata. Nwit ye yó kem tuha gel malak dalang se yóm kdéen tau bè Juda, nwit ye lu elem Gónô Dwata, omin ye hol hkodu mni tóbóng bè yóm sana kuy Dwata hol gónó mogot.