Juna 3:7 - Udél Dwata: Gna Kesfasad ne Lomi Kesfasad

⁷ Wen udin hwiten ebè yóm kdéen tau bè Ninibi, yó monen, “Ni se udin hol lemwót bè yóm kuy Tau Geta ne bè yó kem genlalen. Hol béen tagad wen tau mken duhen ke minum él. Balù yó kem safì ne yó kem ubiha, hol bê ye tagad henken lu ne hinum lu.

Juna 3:7 Referans Kwoze

2 Tutul Israél 20:3

Botong likò Jihusafat, tódô kendel mni bè Dwata ke tedu nmoen. Kendel heglalagen bè klamang Juda ke hol le fasting yóm kdéen tau.

Juna 3:5

Tahu se, hentahu yó kem tau bè Ninibi yóm udél Dwata ebélê le. Yó nmò le, gotu le fasting yóm kdê le, lenwóten bè yó kem tau hol geta kkólen bè yó kem tau glaan. Gotu le mnes sakù mò gónó le hegfan du yóm deng kehegsel le.

Juwél 1:18

Yó kem ógóf, sónmò le dmolong lemwót bè kbitil le, dalang se yó kem safì, olo le tendo mógów hekawang laen kô dù bang nótób le. Balù yó kem ubiha, tey keglayam le se kul.”

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.