Juna 3:6 - Udél Dwata: Gna Kesfasad ne Lomi Kesfasad

⁶ Timbow gungol yóm tau hol geta bè Ninibi yóm hetngón Juna yó koni, tódô tebelen yóm gónón gel myón kmukum, tódô nlusen yóm nes tau hol geta leseken ne tles mnes sakù se kun ne tódô myón ta kohù, yó se yóm kul gel adat.

Juna 3:6 Referans Kwoze

Danyél 9:3

Yó gónóhu tódô smolu ebè yóm sana kum Dwata hol gónó mogot hkoduhe béléen, balù udì ke mkene bè yóm kehkoduhu yó lelu mnes sakù, tódóe myón lem kohù bè yóm klangagu.

Job 2:8

Lemwót Job myón bè yóm gónó le gel mkok kohù, nwahen yóm ngà kébéng kuleng tonok mò gel kléhen yóm nanak hisahen.

Kun Snulat Luk 10:13

Bud mon Jisas, “Nawaw nim yu, kem tau bè Kurasin, nawaw yu snéen kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, là kô gbek le du ke là lemsek le nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek gel nmò le.

Matyu 11:21

Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.

Jirimaya 6:26

Yó udél Dwata ebè yó kem tauhen, monen, “Lemsek ye nes sakù ne ma ye kohù mò gónó ye hluy. Hol ye dmumu mkik lómón ke deng matay yóm tek sotu ngà ye logi, yakà móyónen sut yó kem tau kemtut mundug kuy.

Mika 1:10

Hol bê tekuy abay tulón bè yó kem hohon tekuy bè syudad Gat yóm deng gefet bélê tekuy ni. Bê ye hton kul yóm kkik ye. Ó kem tau bè Bit-lifra, hlulid ye lem kfung mò gónó ye hegfan du yóm alì ksidek kegnóm ye du.

Job 42:6

Duhen ni, deng tey sidek kyaku bè yóm kdê deng monu. Ni se gónów myón lem kfung ne lem kohù mò gónów hegfan du yóm deng tey kegselu.”

Jirimaya 36:24

Okóm yóm tau hol geta ne yó kem genlalen, balù udì ke gfan bélê le ke wen klikò le duhen ke kegsel le bè yóm deng gungol le.

1 Bok Kem Tau Hol Geta 21:27

Timbow gungol Ahab yóm tulón ni tódô kenséen nesen, ne tles leseken nes sakù ne fasting. Tódô tungô lem yóm nes sakù leseken ne tendo lindan mógów lemwót bè yóm alì klangagen.

Jirimaya 36:13

Gotu tulón Mikaya kul yóm kdê deng gungolen senfala Baruk bè yó kem tau.