Juna 3:5 - Udél Dwata: Gna Kesfasad ne Lomi Kesfasad

⁵ Tahu se, hentahu yó kem tau bè Ninibi yóm udél Dwata ebélê le. Yó nmò le, gotu le fasting yóm kdê le, lenwóten bè yó kem tau hol geta kkólen bè yó kem tau glaan. Gotu le mnes sakù mò gónó le hegfan du yóm deng kehegsel le.

Juna 3:5 Referans Kwoze

Kun Snulat Luk 11:32

Bè yóm kdaw angat kkukum Dwata tau,” mon Jisas, “angat le sbung mdà bè yó se kul yó kem tau là Ju le tehe lemwót bè Ninibi, ne angat nsel le yu. Anam yó ne kul, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô knogol le yóm sidek gel nmò le. Deng wen yóm mkay senta Juna deng kól lem blóng ye bè ni, okóm deng mom henda ye.”

Matyu 12:41

Bè yóm kdaw angat kkukum Dwata tau, tódô le sbung mdà bè yó se kul yó kem tau là Ju le lemwót bè Ninibi, ne angat nsel le yu. Anam yó ne, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô tnagak le yóm sidek gel nmò le. Ne deng wen yóm mkay senta Juna deng kól lem blóng ye bè ni, okóm deng mom henda ye.

Danyél 9:3

Yó gónóhu tódô smolu ebè yóm sana kum Dwata hol gónó mogot hkoduhe béléen, balù udì ke mkene bè yóm kehkoduhu yó lelu mnes sakù, tódóe myón lem kohù bè yóm klangagu.

Juwél 1:14

Eles heglalag ye yóm sotu kdaw htólóng ye mò kdaw ye fasting mni bè Dwata. Hol htaba ye yó kem tau anì na ye gotu stifun tmaba ebè Dwata. Nwit ye yó kem tuha gel malak dalang se yóm kdéen tau bè Juda, nwit ye lu elem Gónô Dwata, omin ye hol hkodu mni tóbóng bè yóm sana kuy Dwata hol gónó mogot.

2 Tutul Israél 20:3

Botong likò Jihusafat, tódô kendel mni bè Dwata ke tedu nmoen. Kendel heglalagen bè klamang Juda ke hol le fasting yóm kdéen tau.

Hibru 11:1

Ke wen kehtahu tekuy bè Dwata, bè yó gónó tekuy temngón du tahu dohò kguta tekuy du yóm hendón nefet nawa tekuy, ne tahu dohò kton tekuy du yóm là deng ton tekuy du he.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Kul Nmò 27:25

Yó ne, kem dumuhu,” mon Pol, “hgel ye nawa ye. Tódô snaligu yóm deng tulón Dwata dou.

Kul Nmò 8:10

Tódô kdéen tau bè yóm benwu yó, lenwóten bè yó kem tau glaan kkólen bè yó kem tau hol geta, tey gel khungol le du. Yó gel mon le, “Yóm kun ktulus ni, tódô lemwót bè Dwata, yóm gel mon le, ‘Hol Tahu Tulus Dwata.’ ”

Jirimaya 42:8

Duhen yó, htaba Jirimaya Juhanan yóm ngà Kariya logi ne yó kem genlal bè yó kem sendalù ne kdê yó kem tau kewóten bè leneken kkólen bè lebangen.

Jirimaya 42:1

Omin le gotu mógów ebè Jirimaya yóm kdéen genlal bè yó kem sendalù Israél, mung kul Juhanan yóm ngà Kariya logi ne Jisanaya yóm ngà Husaya logi ne kdê yó kem tau kewóten bè leneken kkólen bè lebangen, gotu le mógów ebè

Jirimaya 36:9

Bè yóm kesfala Baruk du bè Gónô Dwata yó, deng limu halay bud syóm bulón ne yóm kogot Jihuyakim yóm benwu Juda yóm ngà tehe Jusaya. Lemwót yóm kdéen tau bè klamang Juda gotu le fasting bè Gónô Dwata. Tódô kdê yó kem tau lemwót gu bè Jirusalim ne kdê yó kem tau lemwót gu bè yó kem benwu bè Juda, gotu le fasting.

Jirimaya 31:34

Là bud tnolok le kul ne yó kem dumu le sebét ne yó kem fes lówó le ke mon le, ‘Yake hol tngón ye Dwata.’ Abay se angat tódô kdê le temngón dou lenwóten bè leneken kkólen bè lebangen. Angat gotu hnifótu yó kem sidek deng nmò le ne là kô bud hendemu du ne.”

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.

Deng Hegfan 11:3

Angat wen lewu tau hógówu mò tugodu ebè yó bè yóm tlu halay bud sóól, bede mnes le sakù.”

Istér 4:1

Timbow tngón Murdikay nim ni, tódô kentóhen yóm nes bè lówóhen ne tles bud leseken nes sakù lemwót bè yóm alì sidek khéét kegnómen du. Tódô tenfengen kohù kuluhen ne mógów lem yóm syudad yó, tódô hendlaen lemanu

Juna 3:7

Wen udin hwiten ebè yóm kdéen tau bè Ninibi, yó monen, “Ni se udin hol lemwót bè yóm kuy Tau Geta ne bè yó kem genlalen. Hol béen tagad wen tau mken duhen ke minum él. Balù yó kem safì ne yó kem ubiha, hol bê ye tagad henken lu ne hinum lu.

Kehewà 33:6

Tahu se, bè yóm ktagak le du yóm Bulul Sinay, là bud leket kem tau Israél du ne yó kem ngom blówón le.

2 Bok Kem Tau Hol Geta 19:1

Timbow gungol Hisikaya yóm tulón le yó, tódô kenséen nesen botong ksidek kegnómen du, ne lemsek nes sakù ne mógów ebè Gónô Dwata, mni bè Dwata bè yó.