Juna 3:4 - Udél Dwata: Gna Kesfasad ne Lomi Kesfasad

⁴ Botong sendaw Juna mógów lem yóm syudad yó, ominen yó hetngón du kul yóm udél Dwata ebélê le, yó monen, “Tek fat folò buteng duen kegbà Dwata yóm syudad Ninibi.”

Juna 3:4 Referans Kwoze

Dwata 18:22

Yó mò ilô ye du ke wen tulónen yóm tau tmugod yó hlanen bè boluy Dwata, ne ke là dohoen yóm tulónen yó, bè yó gónó ye temngón du là lemwóten bè Dwata yóm tulónen. Yóm tau yó tódô lembù, bê ye abay likò béléen.”

Juna 3:10

Tahu se, ton Dwata yóm nmò le yó ne tonen se yóm gotu ktebel le du yóm kdê sidek gel nmò le. Yó gónón temles hendemen ne là kô dohò tnafaken kul, lómón yóm tehe monen mò kul.

2 Bok Kem Tau Hol Geta 20:6

Ne bud tennuu sfolò limu halay he klowilem. Ne lenwau uu lem hólól yóm tau hol geta bè Asirya dalang se nim syudad ni. Nofinu nim syudad ni lemwót bè yóm kbong nawa me du lewu me Dabid.’ ”

2 Bok Kem Tau Hol Geta 20:1

Bè yóm kdaw yó, gemnóm des Hisikaya, ne tey leed yóm desen, ne yó gónón tô matay. Nauy Isaya yóm tugod Dwata ngà Amus, ne yó monen mò du, “Ni se udél Dwata ebéléem, Elesi tmebel udél lem gónóem, yakà angati matay, là buden mkó desem.”

Matyu 12:41

Bè yóm kdaw angat kkukum Dwata tau, tódô le sbung mdà bè yó se kul yó kem tau là Ju le lemwót bè Ninibi, ne angat nsel le yu. Anam yó ne, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô tnagak le yóm sidek gel nmò le. Ne deng wen yóm mkay senta Juna deng kól lem blóng ye bè ni, okóm deng mom henda ye.

Kun Snulat Luk 11:30

Bè yóm tehe gbunù Juna, yó se mò ilô kem tau bè Ninibi du yóm deng khógów Dwata du elem blóng le. Senged se yóm Ngà Tau, angat wen ton ye béléen mò ilô le du yó kem tau ni kmoen ni yóm deng khógów Dwata du elem blóng ye.

Kun Snulat Luk 11:32

Bè yóm kdaw angat kkukum Dwata tau,” mon Jisas, “angat le sbung mdà bè yó se kul yó kem tau là Ju le tehe lemwót bè Ninibi, ne angat nsel le yu. Anam yó ne kul, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô knogol le yóm sidek gel nmò le. Deng wen yóm mkay senta Juna deng kól lem blóng ye bè ni, okóm deng mom henda ye.”

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Jirimaya 42:10

‘Tódô ye henek bè nim benwu ni. Ke ni se nmò ye bud hdau yu, là kô naw e bud hebtang kuy. Lómón ke bud huluhu yu ne là kô naw e bud kendut kuy. Là gbeku du ke là tnafaku kuy lemwót bè yóm là kimón ye. Bede bud sidek kegnómu du bè yóm alì keglayam ye.