Juna 3:2 - Udél Dwata: Gna Kesfasad ne Lomi Kesfasad

² yó monen mò du, “Yó ne Juna, hlósi ebè Ninibi ebè yóm tey syudad bong, nam e tulón yó kem tau bè yó yóm htugodu kóm.”

Juna 3:2 Referans Kwoze

Isikél 2:7

Hol tulónem kul yóm udélu ebélê le, kihu ke hnungol le duhen ke là. Okóm là kô na le e hnungol kóm, abay se hono le tau là mimón yóm kdê le.

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

Juna 1:2

yó monen mò du, “Ó Juna, mógówi etu bè Ninibi bè yóm tey syudad bong, nam e tulón yó kem tau bè yó yóm deng khulenu kul lemwót bè yóm deng kgulé yóm sidek nmò le.”

Kun Snulat Jan 5:14

Tikóng kogolen bè yó, bud ton Jisas lem Gónô Dwata yóm tau tehe hkóhen desen yó koni, monen mò du, “Ngem, deng mkó ne yóm desem. Hol béi abay bud mò salà, déke wen bud gbunuem mkay senta yóm gnan.”

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Juna 3:3

Tahu se, nimón Juna Dwata ne mógów ebè Ninibi. Yó kbongen yóm syudad yó ke tnonokem, tlu kdawem mógów bè sóólen, ominem gefet bè dolihen.

Isikél 3:17

“Ó Tau Tonok, néléku uu mò mentey bè yó kem tau Israél. Ke wen tulónu kóm mò hetgamahu kul, hol géhél hgefetem bélê le.

Juna 3:1

Omin Dwata bud mudél ebè Juna,

Kehewà 4:28

Omin Musis gotu tmulón du ke Aron yóm deng mon Dwata mò du bè yóm khuléken du ebè Idyip. Tulónen du snéen yó kem hentaw ton angat hmò Dwata du.

Istér 9:31

Yó hol bótóngen anì lolò le yóm hlolò le kul bè yóm kdaw Purim bè ket halay, kkólen bè yóm angat bud klolò le du se kul yó kem angat lugod le. Ni se yóm hol hlolò Murdikay ne Boi Istér yó kem Ju. Nim hlolò ni, tódô henmóyô yó kem Ju hol lómón yóm tehe kehmóyô le yóm udin bè yóm kfasting le ne bè yóm klangag le.

Jirimaya 1:7

Okóm mom yó balà Dwata dou, monen, “Béem udél yóm yó. Holi mógów ebè yó kem gónóhu e hógów kóm ne hol tulónem yó kem htulónu kóm.