Juna 2:8 - Udél Dwata: Gna Kesfasad ne Lomi Kesfasad

⁸ Yó kem tau hemtahu bè yó kem dwata lennged laen dù muhen, deng knogol le uu ne.

Juna 2:8 Referans Kwoze

Kem Lingón 31:6

Tey keklitu kul yó kem tau tmaba ebè yó kem dwata lennged laen dù muhen. Okóm béléu dou, són uu, Dwata, yóm dou snalig.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

2 Bok Kem Tau Hol Geta 17:15

Mom kenbê le yóm hlolò Dwata kul, dalang se yóm deng tehe senfasad le Dwata yó kem tehe fù le, ne yó kem eles hetgamahen kul. Deng mom lolò le yó kem dwata lennged laen dù mu le, ne baling le tau laen dù mu se kul. Mom lolò le yóm kul gel nmò yó kem benwu hmilol kul igò Dwata deng mon du mò kul hol bê le abay lolò lu.

Jirimaya 10:8

Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

1 Samwél 12:21

Bê ye abay bud semfulék tmaba ebè yó kem dwata kéng laen dù muhen. Là gbek le tmóbóng kuy ne là gbek le lemwà kuy abay se tahu laen dù mu le.

Kem Lingón 69:14

Hol lenwaem ou anì là hlóse gebeng lem hitok. Hol kenlungem ou bè yó kem hohonu. Nalakem ou anì gifalu yóm tey él nelem ni.

Kem Lingón 142:4

Ke temngele gu hilolu, laen kô dù tonu tau ke tmóbóng do. Balù sotu ke wen hemdem do. Laen dù tau tmóbóng dou. Laen dù tau hemdem du ke wen gel glumfaku.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.