Juna 2:7 - Udél Dwata: Gna Kesfasad ne Lomi Kesfasad

⁷ Timbow deng gnómu yóm móyón tô klefu, ominu yó he tmaba ebéléem, Dwata, ne tódô gefet ditu béléem bè Gónóem.

Juna 2:7 Referans Kwoze

Kem Lingón 18:6

Okóm bè yóm alì ksidek kegnómu du, tmabahe ebè Dwata, htóbónge béléen. Tahu se, hnungolen ou bè yóm kun gónó nô. Gungolen yóm tey kehkoduhu béléen.

2 Tutul Israél 30:27

Yó kem tau gel blóng ebè Dwata ne yó kem sfu Libay, mni le ebè Dwata bè yó kem tau, ne hnungol Dwata ditu bè gónón nô bè longit yóm kni le yó.

Kem Lingón 143:5

Gtulón nawahu yóm kdaw gnan ekni. Sónmou hemdem du yó kem tehe gel nmoem, Ne bud hendemu snéen yó kem tey gendengem.

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

1 Samwél 30:6

Tey glumfak bong nim glumfak Dabid ni abay se tey sidek khééten bè yó kem tauhen yóm deng kegef le yó kem yehen le ne yó kem ngà le. Yó hendem le tô sentudà le botu Dabid anì matay. Okóm tey ketgelen ke Dabid yóm kun Dwata hol gónó mogot.

Kem Lingón 27:13

Tódô tngónu là kô hatayu du yó kem nmò le béléu yó. Angat hton Dwata dou he yóm tey kehyu nawan ebéléu bè yóm klawihu mowil talak tonok.

Kem Lingón 20:7

Yó kem dumu tau, tey ksalig le bè yó kem klitun gel nit le sgida ne bè yó kem kudà le. Okóm kum, tódô snalig me yóm kfasang Dwata yóm kum Dwata gónó mogot.

Kem Lingón 65:4

Hligal le kul yó kem tau nélékem, yó kem tau nitem edyó béléem bè kóm Gónô. Tey kegsengel nawa me du yó kem hyu nô lem Gónóem, ne yó kem tóbóngem kum lemwót lemen.

Hibru 12:3

Hol hendem tekuy dé yóm tey kehbalahen lemwót bè yóm alì kutó nawa le du yó kem tau gemsalà. Duhen yó, hol bê tekuy abay heblat nawa, ne hol bê tekuy abay htakas.

Hbakuk 2:20

Okóm kun yóm sana Dwata hol gónó mogot, deng nô bè yóm kun Gónô alì mólós. Yó kem kdéen tau talak tonok, bê ye abay bud mudél ke nô ye bè soluhen.”

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

Juna 2:4

Ofo do ke deng tódô hlayukem o béléem ne là bud tonu du ne yóm kóm Gónô.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Kem Lingón 43:5

Moen du ke alì sidek keblat nawahu? Moen ni du ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 42:11

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 42:5

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 22:14

Laen kô dù bud gelu ne, tódô lana, hol lómón ke él mkok bè tonok, tódô mneb. Yó kem tiolu, gotu slius. Hol lómón kegnómu du lem but blututu, lómón knò tolu.

Kem Lingón 142:3

Bè yóm gónóhu là bud gbala, tódô tngón Dwata yóm lan mò lolou. Bè ket tô lanu, wen sù le du yó kem hohonu mò tô alu le dou.