Juna 2:6 - Udél Dwata: Gna Kesfasad ne Lomi Kesfasad

⁶ Lemnebe etlaan ditu bè but yó kem bulul nô lem mohin, ditu bè yóm benwu laen dù bud lanem gewà lemen. Okóm kóm, Dwata yóm hol gónóhu mogot, deng tódô nitem o semfulék lemwót gu bè yóm hol gónón nelem yó, nam e bud hlowil o.

Juna 2:6 Referans Kwoze

Kem Lingón 30:3

anì là hlóse elem lebeng. Deng bud hlowilem ou, Dwata, anì là hlóse elem hatay.

Kem Lingón 16:10

abay se tendo hensengem ebéléu yóm hatay. Lemwót bè yóm tendo gel kimónu kóm, là kô angat bayaem dou ebè yóm benwu yó kem tau deng matay.

Hbakuk 3:10

Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.

Isaya 40:12

Wen kô gembek bemtes du yóm él mohin ke tô hlanen bè ksakuben du hólól? Wen kô gembek bemtes yóm longit mlan bè kdangawen du? Wen kô temngón du keblaten yóm tonok bè klamangen benwu? Duhen ke gembek tmimbang yó kem bulul ne yó kem bulul lemnek?

Kem Lingón 143:7

Géhél bnalaem ou, Dwata, abay se laen dù bud lanu ne. Béem knogol o, kô mataye.

Kem Lingón 104:8

Gotu le mlel elem bulul ne elem yó kem sbong, ebè yóm deng nmoem mò gónóm hemsù kul.

Kem Lingón 104:6

Tehe suem tahen yóm mohin bong, lómón ke mnal igam bè klamangen yóm kmoem du, ne yó kem tey bulul, gotu glimun él.

Kem Lingón 65:6

Tey mdengen gónóm hemsù kul yó kem bulul mlan bè yóm tey kfasangem. Yó se gónón gfan yóm tey kegbekem.

Kem Lingón 55:23

Okóm uu, Dwata, angat mbot kul elem lanaw ofi yó kem tau sidek gel nmò le. Kem tau monok ne kem tau smukat, là kô guta le du ktuha le. Okóm dou, són uu snaligu.

Kem Lingón 30:9

“Ke mataye, ke denge nô lem lebeng, tedu se gutahem béléu du? Gbek yóm lówóhu deng baling kfung kô dmóyón kóm? Gbeken kô tmulón du bè klamangen benwu yóm tey ktenebem?

Job 33:28

Deng lenwà Dwata o bè benwu yó kem tau deng matay ne ni denge bud mowil ne deng bud gel hlayag Dwata klowilu.’

Job 33:24

lemwót bè yóm kkodu Dwata du yóm tau yó, yó udélen ebè yóm hógówen, monen, ‘Hol lenwaem yóm tau yó. Là hyuhen ke hlós elem hatay yakà deng wen tonu mò soken du yóm klowilen.’

Dwata 32:22

Yóm kebutu kul ni hol lómón ke mkal ofi, tódô gotu kenen yó kem kentihen nô talak tonok efet kól ditu tlaan bè benwu yó kem tau deng matay. Gomong kenen yó kem but bulul laan tonok.

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Kem Lingón 18:5

Lómón ke deng nféten ou hatay. Lómón ke deng wen holoten suen bè lanu.

Kem Lingón 116:3

Deng tódô lenibuten ou ne yóm hatay. Tey sidek klikou du yóm deng klonihen béléu. Là gbeku hmingón du yóm alì klikou ne ktafa nawahu.

Kem Lingón 69:2

Lómón ke denge gebeng lem hitok, là kóe gemdà tonok. Tey nelem yóm él gónóhu geblos, udì duen gónóhu là lemneb.