Juna 2:4 - Udél Dwata: Gna Kesfasad ne Lomi Kesfasad

⁴ Ofo do ke deng tódô hlayukem o béléem ne là bud tonu du ne yóm kóm Gónô.

Juna 2:4 Referans Kwoze

Kem Lingón 31:22

Lemwót bè yóm alì ksidek klikou, botong monu, “Là bud ton Dwata dou ne.” Okóm gungolen yóm kehkoduhu béléen, ne bnalaen yóm kehtóbóngu béléen.

Kem Lingón 5:7

Lemwót bè yóm là konolen yóm kbong nawahem dou, gbeku husek elem Gónóem. Lemwót bè yóm kwen klikou kóm, yó gónóhu tmaba ebéléem lem Gónóem.

2 Tutul Israél 6:38

Ke hol le tahu hegsel bè yóm knô le bè yóm benwu gónó le e megef kul yó, ne ke mni le ebéléem smolu le ebè yóm benwu deng blayem yó kem tehe fù le ne ebè yóm syudad deng nélékem, ne ebè yóm Gónô deng hdau béléem mò mit yóm kóm boluy,

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Jirimaya 7:15

Hegefu yu lómón yóm tehe khegefu yó kem dumu ye Israél. Ou se Dwata nim mudél ni.’ ”

Isikél 37:11

Yó bud udél Dwata ebéléu, monen, “Ó Tau Tonok, ni kem tiol nii hnigaden yóm kdéen tau Israél. Yó tendo gel mon le, ‘Yóm klowil tekuy yóm kmoen ni, hol lómón ke tiol deng legen, laen dù bud nefet nawa tekuy ne, ne laen dù bud gónón e kól yóm klowil tekuy elem hulin kdaw.’

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Isaya 49:14

Okóm mom yó udél yó kem tau bè Jirusalim, mon le, “Deng tódô bayà Dwata tekuy. Deng tódô klifóten tekuy ne.”

1 Bok Kem Tau Hol Geta 9:7

angat hdóhu yó kem tau Israél bè yóm tonok deng tehe blayu kul. Angat kenbéu snéen nim Gónóu ni, balù yóm deng kfunu du mò mit yóm dou boluy. Ne yó kem tau Israél angat henbalingu lu tau mò sendekà ne kenhisik yó kem tau bè dumu benwu.

1 Bok Kem Tau Hol Geta 8:48

Ke hol le tahu hegsel bè yóm knô le bè yóm benwu gónó le e megef kul yó, ne ke mni le ebéléem smolu le ebè nim benwu deng blayem yó kem tehe fù me ne ebè nim syudad deng nélékem ne ebè nim Gónóem deng hdau béléem mò mit yóm kóm boluy,

Juna 2:7

Timbow deng gnómu yóm móyón tô klefu, ominu yó he tmaba ebéléem, Dwata, ne tódô gefet ditu béléem bè Gónóem.

Kem Lingón 42:8

Tódô ket kdaw Dwata hegfan du béléu yóm kbong nawan dou là monolen. Ket kifuhu semngal du yóm kun sngal, mung bè yóm knihu béléen, yóm Dwata hlowil dou.

Kem Lingón 88:6

Lómón ke deng lenesem ou etu lem sol lebeng alì nelem, lem tum sol nelem alì kmifu.

Kem Lingón 88:7

Tey gnómu yóm alì ksidek keblaten yóm kebutem dou, hol lómón lewók mohin tódô slulun etahu.