Juna 2:2 - Udél Dwata: Gna Kesfasad ne Lomi Kesfasad
2 “Ó Dwata, yóm igoen tehe wen glumfaku, tmabahe ebéléem ne bnalaem o. Lenwótu bè yóm hol gónón nelem bè benwu yó kem tau deng matay gónóhu tehe mni tóbóng béléem ne gungolem se o.
Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.
Tey glumfak bong nim glumfak Dabid ni abay se tey sidek khééten bè yó kem tauhen yóm deng kegef le yó kem yehen le ne yó kem ngà le. Yó hendem le tô sentudà le botu Dabid anì matay. Okóm tey ketgelen ke Dabid yóm kun Dwata hol gónó mogot.
Yóm kdéen tau nô bè yóm benwu gónó le nô yó kem tau deng matay, deng le gotu htifes na le e hnódó yóm tau hol geta bè Babilun. Yó kem lóyóf yó kem dumu tau hol geta tehe alì mfasang te tonok, gotu le htifes se kul na a hmódó du. Btik le gu bè yóm gónó le myón kmamal.
abay se tngónu, Dwata, là kô bayaem dou lem benwu yó kem tau deng matay. Ne là kô hbolokem du lem lebeng lówóhu yakà ou du yóm sotu tóbóng lówóhem là mili nawahen ebéléem.
Yóm igoen alì meflayam ditu, bud hnebel Manasi yóm sana kun Dwata hol gónó mogot, ne tey ktabahen ebéléen, mung du yóm keheglaanen bè yóm Dwata yó kem tehe fuen.