Juna 1:9 - Udél Dwata: Gna Kesfasad ne Lomi Kesfasad

⁹ Bnalà Juna lu, monen, “Tauhe Hibru se do. Yó do gónó hemtahu bè yóm Dwata nô bè longit. Du se tehe dmimun tonok ne mohin.”

Juna 1:9 Referans Kwoze

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Kem Lingón 136:26

Hol dóyón tekuy yóm Dwata nô bè longit. Laen kô dù tul sónen yóm kbong nawahen tekuy là monolen.

Nihimaya 1:4

Bè yóm kungolu du yóm kdéen ni, tódóe hdung myón ne tey kkiku. Botong hilu kdawu lemangag du yóm deng gungolu yó, là kóe mken. Tódô henlelu mni bè Dwata, monu mò du,

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

2 Bok Kem Tau Hol Geta 17:28

Tahu se, wen sotu tau gel blóng ebè Dwata lemwót bè Samarya deng negef le bud hulék le, ne bè Bétél gónón nô, gotu toloken kul yóm kmò ktaba le ebè Dwata. Là gomongen bè nili yóm bérs 29 efet kól bè bérs 41. Yó tulónen bè ni kem bérs ni yóm deng kegbót le tmaba ebè Dwata yó kem tau Israél yó kem tólóng tau lomi menwu bè benwu Israél lan le tmolok kul. Okóm sana tolo ktaba le ebè yó kem kul dwata kéng, yóm tehe nwit le gu bè yó kem tey dê benwu gónó le gu lemwót. Balù ni kmoen ni, yó kem semfu gu bélê le sana tolo klolò le du.

2 Bok Kem Tau Hol Geta 17:25

Bè yóm tanay knô le bè yó, là kô le tmaba ebè Dwata, ne yó gónó Dwata hemwit ebélê le yó kem liyun, ne wen se bélê le nsék yó kem liyun.

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Deng Hegfan 16:11

Tey kehtolo le yóm Dwata nô bè longit lemwót bè yó kem tey dê tenduk le ne bè yóm alì kdes bkukang le. Okóm là kô dog knogol le du yó kem sidek nmò le.

Deng Hegfan 15:4

Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”

Deng Hegfan 11:13

Ne tódô sen-gengen se yóm tey linol bong bè yóm syudad yó. Botong móyónen gbut bè yó kem gónô le, gotu gbà, ne botong hitu libu tau matay. Ne yó kem dumu tau là matayen, ya tey sidek klikò le, botong dóyón le yóm Dwata nô bè longit lan le mton yóm tey kfasangen.

Flipay 3:5

Abay se nim ou, bè yóm sotu fedyanu deng sut, htulì le ou snéen. Ne ou se hol semfu gu bè Israél, lugod yóm sotu ngaen Bindyamin. Tahuhe tau Hibru se dou. Bè yóm kdê hlau me mi kem Ju, gotu lolou, yakà tauhe Farisi se dou.

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Kul Nmò 14:15

tódô hendlà hgel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gkogol ye ni kem dwata kéng laen dù genbek le, ne beklil ye ebè yóm Dwata mowil, yóm tehe dmimun longit ne tonok ne mohin ne kdéen ton.

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Job 1:9

Bnalà Seitan se, monen, “Knikoen uu kô yóm Job yó ke laen dù ofolen du?

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Tekang Kbuten 39:14

tódô kendel tnabahen yó kem dumu tau gel mò nmò bè yó, monen mò kul, “Hnénég ye dé. Yóm tau Hibru nwit tuha logihu ebè ni, tey kehyaken tekuy. Tódô noloen ou ditu lem dfél, bede laen kô dù gmoen abay se tey klangatu.

Kehewà 1:15

Yó nmò yóm Faro bè Idyip, wen lewu bè yó kem libun gel mwa ngà htabahen boluy le Sipra ne Puwa, kem libun gel tmóbóng mwa ngà bè yó kem libun Hibru ke sok sut blutut le. Yó monen mò kul,

Kehewà 2:13

Hayahen bè yó, bud nauyen yó kem dumu Hibru ne wen tonen lewu kem tau Hibru sfatay honon lu. Yó monen bè yóm tau wen salaen, “Moen du ke hendesem yóm kóm dumu Hibru?”

Tekang Kbuten 1:10

Yó boluyen yóm mékéng deng gfan, “tonok,” ne yó boluyen yóm él deng sbusung, “mohin.” Ne tey hyu kton Dwata du yóm deng nmoen yó.

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.