Juna 1:8 - Udél Dwata: Gna Kesfasad ne Lomi Kesfasad

⁸ Ne omin le smólók ke Juna, “Hol tulónem kum kun ke uu buten yóm tey glumfak tekuy ni? Tedu se nmoem bè ni du? Benwu du gónóm gu lemwót? Tmau kóm de?”

Juna 1:8 Referans Kwoze

Tekang Kbuten 47:3

Ne snólók Faro lu, monen, “Tedu se kuy gel nmò du?” Mon le se, “Gel me semgyok ubiha, lómón yóm kul gel nmò yó kem tehe fù me.

1 Samwél 30:13

Ne yó mon Dabid mò du, “Tmau du tau hol geta bélê ye? Gónóm gu lemwót de?” Ne yó balaen du yóm tau yó, monen, “Tauhe Idyip, heseken ou yóm sotu tau Amalikayt. Deng tlu butengen ni ne tmebel do abay se wen desu.

Juswa 7:19

Yó mon Juswa mò du, “Tey Tò, hol tulónem ktahuhen bè ni bè solu Dwata, yóm Dwata hol gónó tekuy mogot kem tau Israél. Hol benkasem yóm deng nmoem. Tulónem dou kun, hol béem bnos béléu.”

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

1 Samwél 14:43

Omin Sol smólók ke Junatan, monen mò du, “Tulónem do yóm deng nmoem?” Ne tulón Junatan du, monen, “Deng wen udì tneb duu bè tukô yóm tugedu ne kenu. Mataye du kô yóm yó?”