Juna 1:7 - Udél Dwata: Gna Kesfasad ne Lomi Kesfasad

⁷ Ne lemwót yó kem tau gel mò nmò bè kafal gotu le stulón, yó mon le, “Yake mò tekuy atù anì tngón tekuy lewóten yóm tey gfà tekuy ni.” Tahu se, mò le atù ne kun boluy Juna yóm gwa le.

Juna 1:7 Referans Kwoze

Kem Udél Hlalak Tehe Selumun 16:33

Yóm tau sal gel mò atù anì tngónen yóm kóyô Dwata, okóm ke Dwata kun, eles tngónen yóm balaen kul.

Juswa 7:10

Okóm yó udél Dwata ebè Juswa, monen, “Ó Juswa, mdai ne. Moen ni du ke tleki lemfen bè tonok?

Lista 32:23

Okóm ke là dnohò ye du yóm fasad ye ni, eles tulónu kuy bè Dwata gónó ye gemsalà. Là hewuhem du, Dwata angat tmafak kuy lemwót bè yóm salà ye yó.

Kul Nmò 13:19

Gloken gotu gemlà yó kem hitu kay but tau nô lem yóm benwu Kanan mò gónón hbenwu yó kem tehe fù tekuy.

Matyu 27:35

Omin le tmutuk du bè kros. Yó nmò yó kem sendalù, sensatù le yó kem nes Jisas.

Kem Lingón 22:18

Ne hlan le bè atù kwa le nesu ne sensólól le.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Istér 3:7

Bè yóm deng gesfoloen lewu halay deng kkamal Sérksis, bè yóm tanay bulón yóm bulón boluy le du Nisan, wen atù nmò Haman. (Yó boluy le du yóm atù yó, purim.) Yó gónón mò du mò gónón temngón du ke kilón yóm kdaw ne bulón angat kmoen du yóm atulen bè yó kem Ju. Tahu se, gfan bè yóm atù nmoen yó bè gesfoloen tlu kdaw bè yóm gesfoloen lewu bulón, yóm bulón boluy le du Adar kmoen du yóm atulen.