Juna 1:6 - Udél Dwata: Gna Kesfasad ne Lomi Kesfasad

⁶ Timbow ton yóm kfitan mit kafal, monen mò du, “Tedum tlek tnungóem ni du? Btiki ne géhéli mni tóbóng bè yóm kóm dwata. Nénég ke wen koduhen tekuy ne ke hlowilen tekuy.”

Juna 1:6 Referans Kwoze

Juna 3:9

Là tngón te du ke tenles Dwata hendemen, mkó yóm kebuten tekuy ne yó se gónó tekuy là matay.”

2 Samwél 12:22

Bnalà Dabid, monen, “Yó gónóhu fasting ne mkik bè yóm hanà tolo klowil yóm ngà, hendemu déke tnóbóng Dwata o, bud hlowilen yóm ngà.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Isikél 18:2

“Wen yóm sotu udél hlalak hbak ye ebè Israél, yóm monen, ‘Kem tuha mken du yóm bungu grép msom, okóm kem ngà le fen nilów du.’ Moen ke tendo sensulit ye yóm udél yó?

Kem Lingón 107:6

Mom yó he ktaba le ebè Dwata deng wen gfà le, ne lenwaen lu lem yóm tey gónó le glayam.

Kem Lingón 78:34

Tikóng wen hnatay Dwata bélê le, yó he kebel le ke Dwata yó kem dù tau mowil. Hegsel le, ne bud le semfulék ebè Dwata.

Istér 4:16

“Gotu sentifunem kdéen Ju bè Susa anì gotu ye fasting. Hol bê ye tagad mken duhen ke minum lem yóm tlu buteng. Senged se dou ne yó kem ngà libun gel tóbóng lówóhu bud nmò me se kum. Sok deng yó, mógówe ebè tum tau hol geta baluen ke nuléhu yóm udinen. Ke mataye du nim nmou ni kem kunen ne.”

Sulat Pol Ebè Yó Kem Tau Hemtahu Bè Rom 13:11

Hol dnalang tekuy yóm kesbong nawa, abay se deng duhen ni ne yóm bang kebtik tekuy. Bè kbut yóm kehtahu tekuy, tolo mima he yóm kkól Jisas. Okóm ni, deng tey moni ne.

Juna 3:8

Kdéen tau gotu mnes sakù. Balù yó kem ógóf ye, nmò ye sakù le. Tódô kdéen tau hol mni bè Dwata ne hol tebel ye yóm kdê sidek gel nmò ye.