Juna 1:5 - Udél Dwata: Gna Kesfasad ne Lomi Kesfasad

⁵ Ya tey sidek klikò yó kem tau mò nmò lemen, tódô ket tau tmaba ebè yóm kun dwata gónó hemtahu, lel le gotu mbot elem mohin yó kem dumu lulón le anì malù maan yóm kafal. Okóm ke Juna kun, mom henga tungô ditu laan lem bediga yóm kafal.

Juna 1:5 Referans Kwoze

1 Bok Kem Tau Hol Geta 18:26

Tahu se, gotu nmò le yóm hlolò Ilaydya kul yó, ne hlasà le ta yóm gónó gel demsù yóm safì deng henek le, omin le tmaba bè boluy Baal efet kól talak kemdaw. Botong le mensag, mon le, “Hol bnalaem mi, Baal.” Ne tey kadal le hmilol yóm gónó gel demsù nmò le, okóm laen kô dù balà Baal kul.

Jirimaya 2:28

Nô se lu du yó kem dwata lenbù nmò ye? Ke sok wen gfà ye, hkodu ye bélê le anì lenwà le yu ke gbek le. Ó kem tau bè Juda, yóm tey kwen yó kem benwu gónó ye nô, lómón yó se kwenen yó kem dwata ye.

Isaya 45:20

Mon Dwata, “Gotu ye stifun dé, kdéen tau bè klamangen benwu, yó kem dù tau mowil bè yóm kegbà Babilun. Géhél ye edini nahu knukum yu. Yó kem tau mógów stodol, kem tau eles gel tayal le eta yó kem dwata koyu le, lel le gel tmaba ebè yó kem dwata là gbeken lemwà kul, laen kô dù tngón le yó kem tau mò du yóm yó.

1 Samwél 24:3

Tikóng kól bè yóm labat hilol lan gónó le gel hemsù ubiha ke kifu, wen kilib bè yó ne husek elemen Sol anì mebel solu. Blaem hol ditu lem yóm kilib yó gónó le hebnos le Dabid ne yó kem tauhen.

Kmukum 16:19

Omin Dilayla htungô ke Samsun ta hahahen. Tikóng deng gtungô, ominen htaba yóm tau hulung gmunting mò gmunting yóm hitu dolol slofil weken anì gekfô le. Timbow deng kguntingen du, tódô monol ne kgis Samsun.

Kul Nmò 27:38

Timbow deng kken le, omin le gotu tmudà du elem mohin yóm halay lulón le anì malù maan yóm kafal.

Matyu 26:45

Ne bud mulék ebélê le, ne monen mò kul, “Tolo lel ye he kô tungô ne hegnô? Ngem deng kól du ne yóm uras le kemfô du yóm Ngà Tau, ne blay le elem tdok yó kem tau sidek nmò le.

Matyu 26:43

Ominen bud mulék ebè yó kem tlu tau niten, deng le mom bud henga tungô, là kô dog gukat le du mata le.

Matyu 25:5

Lemwót yóm logi myehen, wen gónóhen ganggà, là géhélen kól. Yó gónóm mon, deng mom moo ktuk yóm sfolò kem libun, gotu le gtungô.

Juna 1:16

Bè kton le du nim ni, botong le likò ke Dwata yó kem tau gel mò nmò bè kafal. Yó nmò le, wen dsù le ebéléen ne fasad le yóm kimón le du.

Juna 1:14

Ne omin le tmaba ebè Dwata, yó mon le, “Ó Dwata, ni hol hni me béléem, hol béem abay hbô kum klowilen nim tau ni. Lemwót béléem yóm gfà me ni, uu se mò du.”

Juna 1:6

Timbow ton yóm kfitan mit kafal, monen mò du, “Tedum tlek tnungóem ni du? Btiki ne géhéli mni tóbóng bè yóm kóm dwata. Nénég ke wen koduhen tekuy ne ke hlowilen tekuy.”

Job 2:4

Yó balà Seitan ke Dwata, monen, “Yóm tau són gónón dmóyón kóm ke nuyagem. Ke móyô mowil, kaem gotu blayen kdê nfunen.

Kem Lingón 107:25

Olon lemwót bè udél Dwata, tódô mbel yóm tey lenos bong, ngangen ne tey lewók te mohin.

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.

Kehedem Tau Tmolok 3:6

Wen se kdaw mebel ne wen se kdaw lemana. Wen se kdaw hemyu ne wen se kdaw mbot.