Juna 1:4 - Udél Dwata: Gna Kesfasad ne Lomi Kesfasad

⁴ Okóm yó nmò Dwata, hbelen yóm tey lenos bong te mohin ne tey lewók setbulù, deng tô gbà yóm kafal le.

Juna 1:4 Referans Kwoze

Amus 4:13

Yakà Dwata se mò kul yó kem bulul ne dmimun du yóm lenos. Ne eles gel hetngónen bè tau yóm gel hendemen. Gbeken hembaling du kifu yóm layag hlafus. Du se gel mógów ta yó kem tey bulul bè klamangen benwu. Yó boluyen, duhen yóm sana Dwata hol gónó mogot, yóm Dwata laen dù là gbeken du.

Kem Lingón 135:7

Gbeken hlobun gu te tonok, ne heksilaen mung bè kulón. Gbeken hbel lenos gu bè yóm deng gónóhen e semtifun du.

Kehewà 10:19

Ne yó nmò Dwata, tenlesen kógów yóm lenos lemwót fi dmata kdaw, hbelen yóm tey lenos bong lemwót fi desdef mò myuf yó kem tlangas elem Mohin Hulô. Balù sotu ke wen dù tlangas tebel bè Idyip.

Lista 11:31

Bè yóm deng kkól le Musis bè kamfù le, tódô sen-gengen se wen lenos hbel Dwata gu bè mohin gónón gmung yó kem tey holò wen. Wen dô kól lem ówók kegeta nóyóng le talak tonok. Gotu le lememek elem kamfù le ne gu hilolen. Balù kihu gónó le tô e solu yó kem tau gu hilol kamfù le, balù ke sendaw le mógów tódô hono holò ton le.

Kehewà 15:10

Okóm Dwata, tek olo bè kyufem kul gónó le gotu lemneb yó kem tau Idyip. Yóm keneb le bè yóm él alì sidek knelemen yó lómón tô keblat le bala tók.

Kehewà 14:21

Tayal Musis eta mohin sigelen ne tódô sen-gengen se hesut Dwata gu fi dmata kdaw yóm tey lenos bong na a semsólól yóm él yó. Suloyen buteng mò du lemnos efet gfan tonok lem yóm tey mohin. Tódô skó bè gónón sóól yóm él.

Kehewà 10:13

Tahu se, tayal Musis eta tugeden ne omin Dwata hbel lenos ebè benwu le lemwót fi dmata kdaw. Sendawen ne suloyen buteng mò du lemnos. Hlafus haya bè yó tey tlangas wen msut mung bè lenos.

Kem Lingón 135:6

Gotu nmò Dwata balù kihu nóyô nmoen ditu bè klamangen longit, ne dini te tonok ne lem mohin kkólen bè yóm hol gónón nelem.

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.