Juna 1:16 - Udél Dwata: Gna Kesfasad ne Lomi Kesfasad

¹⁶ Bè kton le du nim ni, botong le likò ke Dwata yó kem tau gel mò nmò bè kafal. Yó nmò le, wen dsù le ebéléen ne fasad le yóm kimón le du.

Juna 1:16 Referans Kwoze

Kem Lingón 107:22

Yake hol le demsù ebéléen mò gónó le slamat béléen, ne hlan le bè yóm kehligal le semngal. Yake hol tulón le du yóm deng nmoen bélê le.

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Tekang Kbuten 8:20

Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

Kul Nmò 5:11

Ya tey ksidek klikò yó kem tau hemtahu, dalang se yó kem dumu tau gónón e mból yóm gbunù le Ananiyas lewu le tuha libunen.

Mark 4:31

Sotu gónó tekuy hmingón du, hol lómón ke yóm lem hulu alì lemnek bè kdéen deng hulu yóm sotu tau bè lamihen.

Juna 1:10

Ne bud tulón Juna kul yóm kehlóyen ke Dwata. Bè yóm kungol le du yó kem tau gel mò nmò bè kafal, tey sidek klikò le ne mon le mò du, “Tey alì gedlug ksideken yóm nmoem ni.”

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Isaya 26:9

Ke kifu, sónen uu hendem me. Bè yóm kdaw angat kkukumem yó kem tau te tonok, ton le béléem yóm hol kukum tedeng.

Kem Lingón 116:14

Yó he keblayu du nim fasadu ni ke sok bud kól yóm gel kestifun yó kem kun tau.

2 Bok Kem Tau Hol Geta 5:17

Omin Naaman bud mon du, “Ke là henmóyóem du se nim basahu kóm ni, olohem bemlay dou tonok dé lemwót bè nim benwu ni yóm kóyów lulón le mulék yó kem lewu kudà asnuhu. Lenwóten bè ni ne, là bude demsù ne là bude hkekeb ógóf bè yó kem dwata kéng, tek són bè yóm hol tahu Dwata.

Tekang Kbuten 28:20

Ominen wen udél Jakub ebè Dwata, ne wen tey fasad mget hmungen du, monen, “Ó Dwata, ke elesi tendo nô béléu, ne ke kenlungem ou bè nim kógówu ni, ne ke wen gónóhu ma kenu ne nesu,

Juna 1:14

Ne omin le tmaba ebè Dwata, yó mon le, “Ó Dwata, ni hol hni me béléem, hol béem abay hbô kum klowilen nim tau ni. Lemwót béléem yóm gfà me ni, uu se mò du.”