Juna 1:14 - Udél Dwata: Gna Kesfasad ne Lomi Kesfasad

¹⁴ Ne omin le tmaba ebè Dwata, yó mon le, “Ó Dwata, ni hol hni me béléem, hol béem abay hbô kum klowilen nim tau ni. Lemwót béléem yóm gfà me ni, uu se mò du.”

Juna 1:14 Referans Kwoze

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Kem Lingón 135:6

Gotu nmò Dwata balù kihu nóyô nmoen ditu bè klamangen longit, ne dini te tonok ne lem mohin kkólen bè yóm hol gónón nelem.

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

Kem Lingón 107:28

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Matyu 11:26

Duhen yó se, Mà, yóm kóm kóyô kehlan du.”

Juna 1:16

Bè kton le du nim ni, botong le likò ke Dwata yó kem tau gel mò nmò bè kafal. Yó nmò le, wen dsù le ebéléen ne fasad le yóm kimón le du.

Juna 1:5

Ya tey sidek klikò yó kem tau mò nmò lemen, tódô ket tau tmaba ebè yóm kun dwata gónó hemtahu, lel le gotu mbot elem mohin yó kem dumu lulón le anì malù maan yóm kafal. Okóm ke Juna kun, mom henga tungô ditu laan lem bediga yóm kafal.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Kul Nmò 28:4

Timbow ton yó kem tau menwu bè yó yóm kékéten ke Pol yóm ulal yó, stulón le, mon le, “Déke tehe wen dô bnonoken tau ni. Kun bagì là matayen lem mohin, okóm ni là hewuhem du.”

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Tekang Kbuten 9:6

Abay se bè yóm kmou tau heskélu béléu. Yó gónóm mon, ke wen tau bnonoken ke dumun, yó se bud kun des bnonok.

Juna 1:13

Okóm mom yó nmò yó kem tau gel mò nmò bè kafal, tódô hotu le gel le tô kemwa du ebè kilil yóm kafal. Tnódónem mom lenwéen yóm tey lewók ne là kô le gili bè yó.

Juna 3:8

Kdéen tau gotu mnes sakù. Balù yó kem ógóf ye, nmò ye sakù le. Tódô kdéen tau hol mni bè Dwata ne hol tebel ye yóm kdê sidek gel nmò ye.