Job 4:4 - Udél Dwata: Gna Kesfasad ne Lomi Kesfasad

⁴ Ke wen tau deng btang lem salà, lemwót bè udélem se gónón bud mdà. Ne deng bud gel hekgisem yó kem tau là buden mbegel kdà le.

Job 4:4 Referans Kwoze

Hibru 12:12

Duhen yó, baluen ke là bud ye gel tô gbala, duhen ke mahil megdódól nawa ye, bê ye abay htakas sen, hol hgel ye nawa ye dé.

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.

Kem Udél Hlalak Tehe Selumun 12:18

Yóm tau gel sidek kebkóhen tey gbeng lem dumu tau du, okóm yóm kun udél yóm tau hulung hedem, hemyu nawa.

Kem Lingón 145:14

Gotu tnóbóngen yó kem tau wen gfà le. Gotu bud hdaen yó kem tau deng btang.

2 Kurin 7:6

Okóm yóm Dwata, tey hulung hemyu nawa yóm tau sidek keblat nawahen. Yó se gónón hemyu nawa me se kum bè yóm kkól Taytus.

2 Kurin 2:7

Tódô hnifót ye ne, ne ten-gel ye nawahen se kun anì là gehlós sidek kegnómen du, kô mom lana kehtahuhen.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Job 4:3

Bè gnan kdaw, deng dê dulékem gel temgel nawa yó kem tau wen gónón lebà nawa le anì smalig le bè Dwata ne gel ntudem yó kem tau wen gónó le lunog.

Job 4:5

Okóm ni, na a uu wen gbunuen, tódói hmung là gbekem mbô du.

Kem Udél Hlalak Tehe Selumun 25:11

Tey tilob mungol du yóm tau hulung temblà ne semgtón du yóm udélen.

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.