Job 3:5 - Udél Dwata: Gna Kesfasad ne Lomi Kesfasad

⁵ Hyu ke hol baling mget kkifuhen yóm kdaw yó. Hyu ke tódô tenfeng lenimun lobun. Hyu ke laen dù bud layagen, hono kifu mget gónó likò.

Job 3:5 Referans Kwoze

Kem Lingón 23:4

Baluen he ke mlane lem yóm hol gónón alì mget kifu, là kóe likò, Dwata, abay se elesi nô béléu. Yó se gónón menek kegnómu du lemwót bè yóm tendo kesgalakem dou ne yóm kofinem dou.

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

Matyu 4:16

Hol lómón ke tau le nô lem gónón kmifu, okóm angat wen tey layag ton le. Deng le golu elem hatay, okóm angat hlayagen ebélê le yóm layag yó.”

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Job 38:17

Deng wen kô tau tmolok du kóm yó kem bak tikeb bè yóm benwu alì kmifu gónó le nô yó kem tau deng matay?

Hibru 12:18

Bè yóm kehloni tekuy ebè Dwata, là kô gnóm tekuy du kut yóm tehe gnóm yó kem tau Israél ekni. Tey sidek klikò le bè yóm kton le du yóm tey dilóf ofi ta bulul Sinay, ne yóm tey sidek kkifuhen, lel nim tey lenos bong.

Amus 8:10

Yóm gel kehligal ye mken bè dou Gónô, angat henbalingu klangag ye ne yóm gel kehligal ye semngal, henbalingu kik ye. Lemwót bè klangag ye gónó ye lemsek nes sakù ne gotu tenbulud ye wek ye, lómón yó kem tuha nodung le yóm tek sotu ngà le logi. Ya tey sidek khééten yóm kdaw yó.”

Amus 5:8

Igoen Dwata se mò kul yó kem blotik, yóm sotu bung blotik boluyen Pliyadis ne yóm sotuhen boluyen Urayun. Gbeken hembaling du mwas yóm kifu. Ne gbeken hembaling du kifu yóm kdaw. Du se ma du yóm él mohin ne henbalingen kulón ete tonok. Dwata yóm kun boluy.

Juwél 2:2

Hol kdawen gmeeb kifu, kdawen mfól lobun ne mget kifu. Tódô muluk yó kem tey kwen le. Botong tódô baling kmifu ta yó kem bulul bè yóm ksut le. Laen deng hnikót sut he bè yóm kdaw gna ke lómónen ni ne laen se dù bud sut elem hulin kdaw.

Isikél 34:12

Yóm nmou bélê le, hol lómón yóm tau gel semgyok ubiha, gotu bud hnebelen yó kem ubiha deng sekla. Angat bud nebelu lu yó kem dou ubiha deng sekla ne lenwau lu gu bè yó kem benwu deng gónó le e sekla bè yóm gnan kdaw alì sidek kget kkifuhen.

Kem Lingón 107:14

Hewaen lu bè yóm tey gónón kmifu gónó le nô. Gotu hentohen yóm kdina fét le kul.

Kem Lingón 107:10

Wen se bè yó kem tehe tau yó ekni, geblanggù, nô le lem yóm tey gónón kmifu. Kendina le lu lem blanggù, ya tey keglayam le.

Kem Lingón 44:19

Okóm deng genlaem mi bè yóm benwu laen hol wen tauhen. Tódô bayaem mi bè yó lem yóm tey kifu mget.

Dwata 4:11

“Hol tulón ye yó kem ngà ye,” mon Musis, “yóm tehe kdà ye bè but Bulul Sinay, yóm bulul lenambung yóm tey lobun mget hitem lel yóm tey dilóf ofi lemayul etta bè longit.

Job 3:4

Yake tódô baling kifu yóm kdaw tehe ksutu yó. Yake tódô hlana balù bè Dwata bè longit, béen bud wen layag etahen ne.

Job 3:6

Yake tódô lana yóm kifu kbut keblutut yê do. Hol béen abay bud gomong bè yó lem yóm sfalay ne béen abay bud gomong lem yóm sbulón.