Job 3:4 - Udél Dwata: Gna Kesfasad ne Lomi Kesfasad

⁴ Yake tódô baling kifu yóm kdaw tehe ksutu yó. Yake tódô hlana balù bè Dwata bè longit, béen bud wen layag etahen ne.

Job 3:4 Referans Kwoze

Deng Hegfan 16:10

Ne lemwót yóm glimu hógów Dwata koken se kun tukung eta yóm gónón myón kmamal yóm lóbô tanay sut yó. Ne tódô baling mget kifu bè klamang benwu nogoten. Ne yó kem tau nogoten, gotu gesfà le dilak le lan le alì tendo heslaf bè yóm tenduk le.

Kul Nmò 27:20

Tey dê kdawen là kô me mton kdaw, balù inab blotik là kô ton me du. Tódô senflósen yóm tey lenos bong. Là kô bud hendem me du ne ke bud me mowil.

Matyu 27:45

Tikóng deng gtungu kdaw, tódô kmifu talak tonok efet sóól mosol kdaw.

Amus 5:18

Angat hatay ye kuy, kem tau tendo hemdón yóm kun kdaw Dwata. Tedu se angat guta ye du yóm kdaw yó? Yóm kdaw yó kdaw kmifu, sundu layag du.

Juwél 2:2

Hol kdawen gmeeb kifu, kdawen mfól lobun ne mget kifu. Tódô muluk yó kem tey kwen le. Botong tódô baling kmifu ta yó kem bulul bè yóm ksut le. Laen deng hnikót sut he bè yóm kdaw gna ke lómónen ni ne laen se dù bud sut elem hulin kdaw.

Job 3:3

“Yake tódô lana ne yóm kdaw tehe ksutu. Dalang se yóm kifu hol tehe kbut keblutut yê do yake tódô lana.

Job 3:5

Hyu ke hol baling mget kkifuhen yóm kdaw yó. Hyu ke tódô tenfeng lenimun lobun. Hyu ke laen dù bud layagen, hono kifu mget gónó likò.