Job 2:3 - Udél Dwata: Gna Kesfasad ne Lomi Kesfasad

³ Mon Dwata se mò du, “Tonem Job kô, yóm tau tóbóng lówóhu? Laen dù tau talak tonok ke gemsenged du. Laen dù gónó le gemsanil du kem dumu tau. Tau gulit knawahen, lelen tey klikoen do ne tendo gel hetsik bè yóm sidek. Efet yóm kmoen ni, tey kguliten balù yóm tey kubugem dou anì lusu uu mò hemsidek du balù yóm klaen dù duónem du.”

Job 2:3 Referans Kwoze

Job 1:8

Mon Dwata se, “Tonem Job kô, yóm tau tóbóng lówóhu? Laen dù tau talak tonok ke mkél béléen. Laen dù gónó le gemsanil du kem dumu tau. Tau gulit knawahen, lelen bong klikoen do ne tendo hetsik bè yóm sidek.”

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Kem Udél Hlalak Tehe Selumun 16:17

Knogolen yóm sidek yóm kun kmò klan yóm tau tedeng kmoen ne yóm tau ten-gamahen kmoen, henyuhen klowilen.

Flipay 3:12

Ni kem monu ni koni, là monu du dé ke deng gotu ketu mò du, duhen ke denge hol gulit. Okóm yó dé hol nmou, hotuhu gelu kemtes du anì angat gutahu yóm ofol blay Krays Jisas dou, yakà yó du uléken yóm tehe kfunen dou.

Kun Snulat Jan 9:3

Mon Jisas se, “Là. Là kóen lemwót bè kun salà duhen ke bè salà kem tuhahen. Yó gónón butô nim tau ni anì gfan béléen yóm kfasang Dwata.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Kem Udél Hlalak Tehe Selumun 14:2

Knikoen Dwata yóm tau tedeng kmoen, okóm là kun yóm tau sigol kehedemen mom sendekaen.

Kem Udél Hlalak Tehe Selumun 13:6

Yóm kemlung yóm tau laen dù belenen duhen yóm ktedengen, okóm yóm sidek gel nmò yóm tau gemsalà yó se mit du meglà.

Kem Udél Hlalak Tehe Selumun 11:8

Yóm tau tedeng kmoen gewà gu lem yóm hlayam ne yóm tau gel mò sidek mom yó yóm meflayam.

Kem Lingón 41:12

Lemwót bè yóm klaen dù sidek nmou, yó gónóm hlowil dou. Laen kô dù tul sónen yóm kehnóem do bè soluhem.

Kem Lingón 37:37

Okóm hol hennagiem yóm tau hyu kmoen, yóm tau tedeng kmoen, yóm tau menek kehedemen. Tey wen semfu gu béléen.

Job 1:11

Okóm ni, ke gotu nwahem yóm kdê nfunen, ngem kà angat mulék henmulaen kóm.”

2 Samwél 20:20

Bnalà Juab, monen, “Là nóen bè nawahu ke tô genbau yóm syudad ye.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Kem Lingón 26:1

Ó Dwata, hegfanem yóm klaen dù salau, abay se tedeng yóm gel nmou. Là kóen monol yóm gel ksaligu kóm.

Job 2:2

Omin Dwata smólók ke Seitan, “Gónóm gu de?” Bnalà Seitan se, monen, “Snolò tenngelu yóm mò kmoen ditu talak tonok.”

Job 2:4

Yó balà Seitan ke Dwata, monen, “Yóm tau són gónón dmóyón kóm ke nuyagem. Ke móyô mowil, kaem gotu blayen kdê nfunen.

Job 1:6

Sotu kdaw bè yó, gotu le stifun bè solu Dwata yó kem hógówen nô bè longit ne mung bélê le bè yó Seitan.Snólók Dwata Seitan,