Job 1:9 - Udél Dwata: Gna Kesfasad ne Lomi Kesfasad

⁹ Bnalà Seitan se, monen, “Knikoen uu kô yóm Job yó ke laen dù ofolen du?

Job 1:9 Referans Kwoze

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

1 Timuti 6:6

Yóm tau tahu yóm kehtahuhen deng gsengel nawan du yóm deng nô béléen.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Job 2:10

Bnalà Job se, monen, “Kudél libun nungel. Bè yóm klawihen wen hyu blay Dwata kut tey kehmóyô te du. Moen se ke tô te tmalaw ke henwiten tu sidek?” Balù yóm deng tey kwen hlayam Job, ewenem laen kô dù udél sidek btang bè sumóngen.

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

Job 1:10

Yóm gel nmoem béléen ni kmoen ni, deng tódô senflósem gel kemlung du dalang se yó kem fes lówóhen ne kdê yó kem nfunen. Tódô kdê yó kem gel nmoen tey gel kuyagem du. Yó gónóm mon, tey wen ógófen, botong tô lenngeben yóm benwuhen.