Job 1:8 - Udél Dwata: Gna Kesfasad ne Lomi Kesfasad

⁸ Mon Dwata se, “Tonem Job kô, yóm tau tóbóng lówóhu? Laen dù tau talak tonok ke mkél béléen. Laen dù gónó le gemsanil du kem dumu tau. Tau gulit knawahen, lelen bong klikoen do ne tendo hetsik bè yóm sidek.”

Job 1:8 Referans Kwoze

Job 2:3

Mon Dwata se mò du, “Tonem Job kô, yóm tau tóbóng lówóhu? Laen dù tau talak tonok ke gemsenged du. Laen dù gónó le gemsanil du kem dumu tau. Tau gulit knawahen, lelen tey klikoen do ne tendo gel hetsik bè yóm sidek. Efet yóm kmoen ni, tey kguliten balù yóm tey kubugem dou anì lusu uu mò hemsidek du balù yóm klaen dù duónem du.”

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Isaya 1:16

Hol ye molob dé anì mólós ye. Hol tenflok ye ne yóm sidek gel tonu bélê ye. Hol kó ye ne yóm sidek gel nmò ye

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

2 Bok Kem Tau Hol Geta 23:25

Laen dù deng tau hol geta he ke mkél ke Jusaya yóm kehewóten du lem but blututen ne lem hendemen ne khotuhen gelen semfulék ebè Dwata. Gotu nimónen yóm kdê hlau Musis. Ne efet yóm kmoen ni, laen dù bud tau hol geta mkél du.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Lista 12:3

Blaem nim Musis, tey tau hulung heglaan laen kô gemsenged du bè kdéen tau talak tonok yóm khulungen heglaan.

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Kem Lingón 18:23

Laen dù gónóhu mulé du. Deng senyahu yóm sidek.

Juswa 1:7

Hol hotuhem gelem ne hol hfólem nawam. Hol nimónem yóm kdê deng hlau Musis kuy yóm tau tóbóng lówóhu. Hol béen abay wen nuléhem du anì wen uléken yóm gel nmoem.

Kun Snulat Jan 1:47

Timbow ton Jisas Natanyél mógów ebéléen, wen tulónen gbak ebéléen, yó monen, “Ni sii yóm hol tahu tau Israél abay se laen kô dù kéngen.”

Kem Lingón 89:20

duhen Dabid se yóm deng néléku yó, sotu tau tóbóng lówóhu. Deng hetwélu hnolo te kuluhen mò ilô yóm deng kéléku du.

Kem Lingón 37:27

Hol knogolem yóm sidek, tles nmoem yóm hyu. Ke ni se nmoem, angat le henek menwu bè yóm tonok tehe fasad Dwata kuy yó kem semfu gu béléem.

Kem Lingón 36:1

Yóm salà, gel senboyongen yó kem tau gel mò sidek, senboyongen lem hendem le. Là kô knikò le ke Dwata, yó gónón laen dù hemseng kul mò sidek.

Kem Lingón 34:14

Knogol ye yóm sidek, ne nmò ye yóm hyu. Hol tilów ye són gel ye mit kenek nawa bè kem dumu ye.

Juswa 1:2

“Deng matay Musis, yóm tóbóng lówóhu. Yó gónóm mon, uu se tles mit kul yóm kdéen tau Israél na ye e nifal yóm Él Jurdan, mógów ye etu bè yóm tonok blayu kuy.

Job 2:1

Bud sotu kdaw bè yó, bud le gotu stifun bè solu Dwata yó kem hógówen nô bè longit ne bud mung bélê le bè yó Seitan.